築地‧山貴水產

產假的最後一天，搵婆婆幫手照顧逸逸，本來諗住同恆仔拍拖睇戲，點知去到戲院先知我地張贈券要過幾日先可以開始用，突然諗起懷孕時睇Facebook周圍都介紹的築地‧山貴水產，當時已說生完B要去試下，就決定摘日不如撞日，即刻起程去灣仔。

因為名氣太盛的關係，聚滿了愛排隊的香港人，出發之前特地上網頁拎籌，不過因為我們來到時已經3PM過了飯市，所以根本不用排隊。

築地‧山貴水產的感覺跟台北的上引水產有點相似，超市、海鮮丼、浜燒、清酒、立食區等，不過香港是小型的。

在超市看到鹿兒島蜜柑，在鹿兒島賣得很便宜的蜜柑，在這兒都變了貴價貨。除了水果，超市還有售刺身、壽司、日本酒、日本零食等等。

因為懷念在築地吃過的海膽丼，所以今次的目標好明確 – 海鮮丼。排了一會兒隊就可以入座，店內全是吧枱，一係望海，一係望廚房，當然是望海比較心曠神怡。

難得的二人世界拍拖時間

我一心為海膽而來，但又怕海膽質素不佳，所以選了香蔥鮪魚腩茸海膽丼。整體味道不錯，不過海膽還是沒有在東京吃到的美味，始終新鮮才是王道。

恆仔點的三文魚三文魚子丼，個樣都好靚。

每個丼飯配脆脆紫菜

整體質素都不錯，不過還是未能解決對東京築地市場念念不忘的情意結。

臨走在超級市場買了柚子氣酒飲，久違了的酒精，好味道。

之後繼續拍拖節目，首先坐船去尖沙嘴。

難得出街，想去的地方好多，逛逛誠品也是好選擇，順便試下誠品的咖啡店COLOUR BROWN，不過我麻麻地喜歡這兒的咖啡。

還有朗豪坊的LEGO專門店，想黎好耐，舖頭比想像中細，不過用那兒有個LEGO砌的彌敦道，好正。

————————————————————————————————–

上星期要幫逸逸去灣仔辦PASSPORT，又再去築地‧山貴水產朝聖一下：

今次試了七色北海丼，材料好豐富，性價比其實OK，但係食完令我更加掛住東京的海膽丼！

Comments

comments

感謝 Catherine 提供以上資料

Catherine的網誌: http://www.wufamilyblog.com/~catherine/