7 生日快樂@車婆婆

剛過去的星期一是車婆婆?的新曆生日(今天是舊曆生日)?，我們一家大小就在星期天跟她預早慶祝生辰，雖然媽媽不太吃得甜但係生日蛋糕絕對不能少的，買了大家都喜歡吃Italian Tomato的皇牌士多啤梨蛋糕?，加多兩隻發財佢歎哈哈......祝車婆婆:身體健康，青春常駐?。

夜晚我哋就假座於荃灣豐盛酒家為媽媽設宴慶祝，還是第一次來這兒吃晚飯，估不到水準都有番咁上下喎！?

先由大紅乳豬全體?吃起，乳豬件皮脆肉嫩而且肥膏不多，大家也吃得好滿意呀！

這個鮑魚花菇時蔬的芡汁做得非常出色，吃下去不會杰巴巴的十分舒服，花菇?十分肥美肉厚，而且炆得滑溜入味，鮑魚就意思意思啦小小一粒沒多鮮味，但最驚喜係墊底的西生菜?，清爽甜美最後變成了最佳女主角。

這個菜內有爽口大蝦及肉和翠玉瓜，整體味道都不錯，不過翠玉瓜就好似生咗少少喇！

黃金炸蟹鉗隻隻漲卜卜大大粒，咬下去質感彈牙夠實淨，味道亦出色非常好吃?。

這個是火瞳雞燉翅足??料又夠火候，火瞳的那塊皮真係人間極品啊?，又令我想起皇仁的佛跳牆了想睇按此吧，一想到七月便可重溫實在太期待了~

玉環瑤柱脯就So Far So Good啦！瑤柱雖然唔係啲咩靚貨，但係原粒入饌看上去睇頭亦不俗的，而墊底的換上唐生菜就沒有西生菜那麼吸引了！

清蒸大龍躉?魚味鮮甜沒帶腥，雖然蒸得有點點Over，但係魚鰭邊位就剛剛好十分滑溜好鮮味，不怕吮骨的朋友大喜了。

呢隻當紅炸子雞?要高度讚賞一吓，炸得皮脆肉香沒肥膏，肉質嫩滑富香味，簡直係超班之作?。

最後當然唔少得長壽伊麵家和臘味糯米飯作單尾，伊麵?煮至質感恰好，味道香而不油我十分喜歡。

糯米飯質感尚算對版，可惜臘味附有油益味破壞了整碟飯的美感呀?！

生日飯當然唔少得壽包啦！每一次去壽宴我都會帶一隻壽包返去俾車車?吃，攞個意頭食咗希望佢身體健康，長命千歲！

最後還有紅豆沙做飯後甜品，其實都做得幾唔錯內裏還附有少許西米都幾特別，不過我諗果皮應該唔係用靚貨，所以紅豆沙味道都帶有澀味，其實還有飯後果㗎??！不過已經飽到唔記得影了?！

好彩還記得來一幅大合照，我哋一家十一口再加埋八姨一家陣容十分龐大呢！希望大家都食得開心滿意啦，期待下月爸爸生日飯再聚?。