暑期遊學團計劃中~

4月都未到但已經要 plan 暑期o既活動, 
經驗所知暑期活動係好快會full
睇o黎家長都睇小朋友唔順眼想送佢地出去玩活動 XD
今年我地有個突破, 就係小齊會參加一個小小o既遊學團囉~



抄返張舊相出o黎應下景! (因為今次係去沖繩遊學呀我地!)



小齊學日文間學校其實年年都有搞 summer class (多是去沖繩)
我地之前果幾年都無參加過
果時覺得小齊學左日文唔係好耐驚佢唔識聽啦,
之後又驚要預備搵學校/叩門夾唔到時間啦,
呢呢路路o既原因...
總之仲未去過
今年卒之的起心肝安排下
難得日文同學兼死黨們都 OK 夾到時間, 
可以一齊去上堂加玩啦!!!









小齊佢地會o係沖繩果邊o既小學上一個星期堂 
佢地total 有5位同學會作為插班生咁同當地學生一齊上堂
希望小齊到時會同人地交流下, 唔好掛住同自己友玩啦!
今年去遊學我覺得時間上幾好, 一來小一仲好輕鬆, 暑假可以盡情玩
二來小齊日文都學左4年, 而家寫日文都好左, 
今年仲開始左有"默書" 默五十音同d 簡單o既生字,
我聽到就類似我果時考能力試 4 級果d生字, 
但平時佢唔會同我地講日文所以都唔知佢識講幾多?
今次去埋遊學團希望佢能夠放膽講~



而小齊上堂期間我地大人就可以去玩啦~
我心感興奮!!
佢地會返全日制, 所以我地大人都應該幾多 free time 
我對上一次去沖繩 (石垣唔計) 係2014年, 
果時小齊都仲未識游水, 
經過過去大半年習泳, 小齊而家識游三種泳式啦
今年可以享受陽光海灘盡情暢泳啦~

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================