18-2-2017 (Sat)等老公放工後食晏,冇idea食乜,經過呢o度,見呢間我o地未試過,o係門口睇menu,有肉燥,應該係台灣o野,但又有餃子,日式叉燒,是但啦,入去試.
我o地坐低後再詳細睇menu,
![]()
![]()
![]()
決定要午市套餐,我,要$52.00o既和風芥末豚肉湯麵,要豬骨湯,飲白桃綠茶,加$18.00要4隻韭菜餃.老公要$50.00o既豬八戒湯麵,要番茄湯底,飲冬瓜茶少甜.我o地要多個$28.00o既冰火糖不甩.個韓國女侍應問我o地重要加咩小食?因為我o地叫o左兩個餐,其實我o地可以唔加,老公就加$4.00要木耳.
落完單後,個女侍應擺低張單,冇耐,個韓國女侍應走o黎問我係咪叫埋冰火糖不甩?我答係.佢問我想幾時上?我答我o地食到咁上下時叫上.佢答好,咁我先幫你落單.之後又返o黎,話甜品要6點後至供應.噢!冇得試.
然後老公o既豬八戒湯麵到o黎,
![]()
![]()
之後係兩杯飲品,
![]()
放低兩杯飲品o既係香港女侍應,佢見老公碗麵o既湯好似好少,就主動問我老公啲湯夠唔夠,要唔要加返啲湯?老公答唔使,足夠.
之後到我o既和風芥末豚肉湯麵,
![]()
最後韭菜餃都到埋,
![]()
開餐.
老公o既番茄湯味道唔算好濃,佢重問香港女侍應可唔可以俾啲啲麻辣湯佢,佢都好樂意俾,多謝.老公加落去,話好正,辣度係中辣,有麻o既感覺.
而我o係佢加辣前,都夾o左啲豬肉食, 豬肉粉嫩,木耳爽口,麵條冇過腍.而我o既和風芥末豚肉呢?wasabi入味,唔太嗆但鹹o左少少,口感鬆軟.豬骨湯唔算好濃,OK o既.
韭菜餃呢,細心睇,包得好靚,摺得好整齊.食落,皮好薄,韭菜唔會太老冇渣,又唔過鹹,唔錯.
而兩杯飲品,我o既白桃綠茶唔太甜,清清地,但如果綠茶味多啲會好啲;老公o既冬瓜茶就太甜,已經叫少甜喇,咁樣唔係好得噃.
味道係3.58分
抵食係2.5分
服務:
好好o既,但如果o個位女侍應俾人感覺迫人要加o野食,就好完美.
![]()
![]()
![]()
題外話: 睇睇佢膠杯封口膠膜,原來有IQ題,我o個條就問:打電話俾鳥龜,猜一種蔬菜.
![]()
而老公o個條就問:二三四五六七八九.
![]()
答案o係o個膠膜都搵到.
================================
感謝 愛食 提供以上資料
愛食的網誌: http://www.openrice.com/zh/gourmet/reviews.htm?userid=46226&city=hongkong
================================
