5-3-2017 (Sun)朝,同老公落荃灣食早餐,原本有興趣去樂意廚,但行到去睇,果然係未開,於是行o黎呢試呢間,去到時有8-9成滿,搵個位坐低後睇menu,冇早餐,得貴價,全日供應o既雅菀拼盤,全日早餐,常餐同公司三文治,
![]()
背頁就小食,飲品類.
有個男侍應見我o地得呢張餐牌,就主動俾張早餐餐牌我o地.啊,有$32.00同$42.00o既港式同歐陸早餐.
![]()
最後我o地決定要$68.00o既雅菀拼盤同$42.00o既歐陸醒神豬扒餐,兩個都一樣飲熱檸水.
好快,兩杯熱檸水到o黎,兩個杯係唔同,一高一矮,
![]()
然後雅菀拼盤到o黎.有半份公司三文治,克戟同雞中翼.
![]()
而好快,歐陸醒神豬扒餐都到o黎,有美味豬扒,西煎雙蛋,茄汁焗豆同迷你牛角酥.
![]()
我同老公將所有o野分開一半交換食.
我先食克戟,口感有啲脆硬,加牛油同糖漿食都唔算好甜;
![]()
迷你牛角酥食到少少牛油香味,但唔係好鬆軟,亦唔覺太肥膩;煎蛋煎到9成熟;件豬扒係薄片o既,味道亦唔算好鹹,口感亦正常; 公司三文治o既方包有烘過,餡有沙律醬,番茄,芝士,炒蛋,火腿同午餐肉,OK正常冇問題.最後食雞中翼,味道同樣鹹淡適中,冇問題.
然後至發現,原來我o地有茄汁焗豆,睇吓影o左o既餐牌先(好彩有影,同份早餐都影埋),餐牌係有,老公就同男侍應講,,咁佢哋就俾返我o地.就係o個一兜仔.
![]()
而熱檸水呢?我o個杯澀o既,老公話佢o個杯冇事.
味道係2.53分, 抵食係1.5分
![]()
================================
感謝 愛食 提供以上資料
愛食的網誌: http://www.openrice.com/zh/gourmet/reviews.htm?userid=46226&city=hongkong
================================
