悠閒的假日，約了友人到大埔逛逛兼lunch，大埔多野食，不過好多好食同出名的店子都要排隊，我地懶得排，好求其咁入左去一間歐陸冰室，入到去先醒起，"歐陸"，個名好熟，好似有人中過伏，不過入到去就試試。
裝潢是咖啡館風格，紅磚牆、街燈、牆上的木架放了書本及小精品，木枱上有花瓷磚，設計上蠻別緻，但面積小，坐位十分擠迫，坐得好唔舒服。
午市套餐，平均$55-70。
熱即磨咖啡，冇乜咖啡味。
羅宋湯，正常味道。
蒜蓉包，都是正常味道。
紐西蘭特選烤西冷年黑松露野菌汁配薯菜，$70。
西冷牛扒份量適中，口感好硬又韌，冇乜肉味，唔好食，薯角係凍的。
土耳其香草烤焗比目魚柳配薯菜，$70，比目魚味道好淡，唔多新鮮。
食物水準唔得，又貴，又唔好食，服務態度正常，而$70呢個價，真係大把選擇，下次唔會去了。
大埔汀角路10號大元商場F5號鋪
