廸士尼探索家渡假酒店新餐廳@World of Color Restaurant芊彩餐廳

24/06/2017 好耐無見朋友於是上個月就約她飯聚 ,

咁耐無見除了飯聚緊係想睇下有乜好去處 ,

但天氣開始熱都唔知去邊度好 ?

朋友有好提議去廸士尼探索家渡假酒店逛下 ,

都好吖 ! 看一看新酒店是怎樣的 ^^

除了閒逛之外當然少不了就是要試試新餐廳 ,

今次我哋揀了 " World of Color Restaurant " ,

由於唔知朋友當天會幾點鐘放工所以無預先訂位 ,

好彩有位但店員同我講限食1.5小時

入到餐廳都差不多三點鐘 ,

原來他們的午餐時間剛好去到三點 ,

之後就會轉做下午茶餐廳 ,

我哋緊係趕快地落 order 啦 !

其實有點唔明點解咁多位都要限時嘅 ? ? ?

這間餐廳環境不錯地方很大很闊落 ,

在這裡用餐真的很舒服  ( 但如果不用限時會更好 ^^ )

" 導航者海鮮拼盤 "

( 焗蟹餅 , 鮮蝦春卷 , 香煎胡椒三文魚 , 焗芝士菠菜帶子 )

由於午餐好似唔多啱口味所以就唯有散叫

再來一張就是想影番粒帶子咋 ! ^^

" 烤西班牙黑毛豬排配羊肚菌汁 "

其實食物除了好不好吃外擺碟亦是很重要的 ,

一碟食物擺得靚靚仔仔食嗰個人都會開心啲 ^^

入口軟腍腍好好吃加埋羊肚菌汁更加 "正"

" 芊彩千層麵 "

( 意大利香腸 , 韭蔥 , 番茄乾 , 香草汁 )

加番少少香草汁立即靚仔返唔駛白雪雪 ^^

朋友話想食千層麵又即管叫來試試 ,

個麵好腍只是感覺食咗一堆嘢不過食味都算 ok

" 探索家朱古力布朗尼 "

飯後緊係要試埋佢個甜品啦 !

左揀右揀終於揀咗呢款 ,

個雪糕是他們自家製的很香滑很好吃 ,

配埋濃濃的朱古力布朗尼一試便愛上這款甜品 ^^

下一次我要試中菜的那間餐廳