8 精彩下午茶

中環下午茶好去處車媽媽又有好介紹，如果話比大家知食一個泰式Afternoon Tea Set講緊只須＄108/兩位用，重要有免費美式桌球，現在酒吧最時興的乒乓波遊戲及收費飛鏢機任玩係咪好精彩呢！ 

究竟那裡會符合到以上條件？咪就係位於蘭桂坊Infinity Thai Restaurant & Bar囉！

狗毛佔地不少雖然佢係一間吧！但係比我的感覺像餐廳更多。

今次要來吃就係呢個Afternoon Tea Set，供應的時間係下午兩點半至五時，太過份呀講緊一人五十幾蚊真係飲兩次台式飲品都唔夠啦！仲可以在酒吧玩供應的遊戲，對於我跟爸爸這兩個爛鬼來說賣在太吸引了吧！

先為大家介紹Tea Set有啲咩食先！用三層架上檯頂層係共兩款的泰式甜品，包括椰汁大菜糕及椰汁西米糕，中層則放有鳳爪沙律及柚子沙律，到最底層就放止泰式拼盤內有春卷，蝦餅及魚餅。

飲品方面會跟上咖啡或茶，而我哋就招積啲加＄8升級做龍眼冰和椰汁紅豆冰。

撞鬼佢吖！呢個椰汁紅豆冰好鬼好味喎！椰汁香而不膩最緊要係啲紅豆又大粒又夠淋又香甜真係好好味喔！

龍眼冰都唔算十分過甜清清地都算爽口，可惜椰汁紅豆冰太美味了，所以被我忽略了！

試過特色飲品後係時候開餐喇！

先食咗鹹點炸春卷都幾足料，不過油比較慷慨了一點！

魚餅味道都幾香而質感亦具幾有咬口唔錯呢！

最喜歡就係這個蝦餅內裏還藏有不少金不換香氣十分突出，蝦餅亦都有彈性質素很不俗！

接著還有兩款沙律，鳳爪沙律去了骨吃得便利，味道唔會太辣酸酸地啱晒我胃口，另外還有清香的柚子沙律兩款也各有特色開胃非常。

最後甜點有椰汁大菜糕和椰汁西米糕，前者爽口不過甜，後者亦做得軟滑好香甜合格有餘。

食飽飽之後就到娛樂時光，先來一局美式桌球比試一吓吧！車爸爸遇著我呢個豬一般的對手當然輕易就取勝啦！

接著就去玩我們最喜歡的掟飛標，雖然我節節領先但最後都係輸咗比車爸爸！講到玩我真係沒法超越他呢！

玩到四時許我哋仲整多場下下午茶，因為我好掛念勝香園的牛油檸檬汁蜜糖脆脆，所以冒著中暑的危機都要去朝聖。

在這裏飲凍檸茶＄16就最爽，完全唔使自己動手篤檸檬呵呵！

來這兒當然要食我最喜歡牛油檸檬汁蜜糖脆脆＄16啦，風味依舊香脆可口真的愛死它。

最後我哋仲點了火腿番茄公仔麵＄26，番茄麵吃下去味道還是很真實，不過好像比從前淡了少少，但味道還是不錯的。

吃飽飽之後行過公利買返支蔗汁飲下先，可惜太飽真係食唔落蔗汁糕，而家睇見都好想去食

沿途還見到這隻可愛的小花貓在嘆世界好鬼招積，一同佢影相時即刻擰轉面真係有性格，跟住就同老公繼續去行街街，夜晚還有一場精彩的美食遲些再同大家分享。