最近有不少甜品在商場擺美食攤檔呢，MOCHI香港糯米糍 ，之前在青衣戲棚時幫襯過一次，而今次是弟在商場買回來呢。
有4款口味，糯米糍 的大小適中。
芝士曲奇糯米糍，好厚皮的糯米糍，口感煙韌，但不夠軟糯，如果皮薄點會較好，塊皮冇乜甜味，內餡的芝士曲奇，份量適中，朱古力曲奇味濃，芝士味突出，都幾甜呀。
藍莓乳酪糯米糍，紫色的藍莓乳酪cream，好鮮艷呀，內有幾粒藍莓，淡淡的藍莓味。
猫山皇糯米糍，主角來的，內餡份量適中，有好濃烈的榴槤飄香，味道不俗。
抹茶紅豆糯米糍，外皮綠色的，都是抹茶味，有抹茶味，但不算太濃呀。
整體味道普通，不過多款口味又有創意，試下無妨呀。
