7 7788又慶生

7788生日飯又到八月之星去慶祝，最後終於選了尖沙咀的一起果醬 Let's Jam慶祝。

記得數年前在西貢過門而不入真係有點遺憾！好彩店舖已經開到來尖沙咀近便多了！

店子地方不算太大店東聰明地善用橫巷位置，記得我在鰂魚涌某間餐廳都有同樣情況，但這自成一角的環境我覺得頗舒服呢！

這夜我點了喜歡的梳打作為飲品，隨後店員拿出一支生化武器埋我身邊(汗顏！)原來這個就係做梳打的氣樽！其實我在淘佬都買咗一個迷你版的遲些再同大家分享吧！

在數款果醬中選了熱帶風情味在放了果醬杯內倒入梳打水，隨即變成為一杯特製果醬梳打＄44味道香香甜甜感覺好真實，不過坦白講我真係好唔鍾意紙製的飲筒還是不用最實際！

而另外兩位好友則選了特製果醬紅茶＄65/2位用熱茶當然吸引唔到我啦！但係浮雕茶具正正是我杯茶喔！有留意羅家飯的朋友都會見到呢款浮雕餐具經常出現吧！

接著主食也來到了第一份是慢煮極黑毛豬扒配肉桂蘋果汁＄169，如果想配Dinner Set就只需要229，就可同時享用田園沙律和是日餐湯及甜品，不過我哋要留肚食更多的甜品所以都係散點較為合適！這個極黑毛豬煮得粉嫩迷人肉質鬆軟可口很是吸引啊！

另一份是法式油鴨肶伴紫薯泥配薄荷青蘋果醬＄159，同樣地如轉Set加＄50便可，油鴨肶外層煎得乾身但內裏肉質並不嚡口味道恰好，而且聰明地配上薄荷青蘋果醬令油膩感即時減低，另外那個香甜紫薯亦都是吸睛的配角呢！

最後再點多一份黃金蟹肉軟殼蟹意粉＄109，這個意粉好足料內裏有不少的蟹肉，意粉咬口尚算不俗味道略略帶甜，那半件軟殼蟹亦都炸得香脆但如能再熱辣多一點應會更加可口。

來這兒當然最期待係甜品環節！必試招牌甜品果醬九宮格多士＄49, 內裏包括有肉桂蘋果、桂花雪梨、冰糖木瓜雪耳、士多啤梨、熱帶風情、芒果、蛋黃菠蘿、黑糖四物及玫瑰蘋果，用這個價錢便可享盡九款味道自家果醬我覺得十分超值，而且厚多士都烘得幾香脆當中我最愛就一定係蛋黃菠蘿醬！除了菠蘿香氣外還帶有得意的蛋黃味好特別好神奇的滋味呀！

所以另一份我哋都揀咗蛋黃菠蘿醬作這份雪糕窩夫＄79的味道！明明大家一齊落Order最後出來變咗我跟甜魔媽媽的生日窩夫真係好驚喜呀！

窩夫質感烘得相當唔錯加上香口的蛋黃菠蘿醬真是十分吸引！但窩夫如能夠再熱辣多一點就更加誘人了！在此多謝劉總和Oli的安排！