7 變形金剛之食篇

上個月中返外家的一場午餐去了荃灣這間博派麵館，點解會嚟到呢度食？咪就係識飲識食嘅劉總極度推介囉！有佢一句一定要食絕對不能不吃呀！

門口那個變形金剛 十分吸睛！每有行過的路人不論老人定細蚊都爭相跟它拍照留念！

麵館內裡座位不多牆上貼滿超科幻的銀河系的壁畫，驟眼看沒什特別但經過光影的投射後出來的立體效果連車爸爸也說美呆了！

好請大家注意力回到餐牌上！食品種類唔算多麵食方面只有A-H 8款選擇！湯底則可選香濃魚湯或豬骨濃湯。

另有四款小食供應當中包括有超特別的脆炸珍珠奶茶，須然超級想試可惜叫了兩碗粉怕食唔晒，而且珍珠奶茶確確實實唔係車爸爸杯茶！唔想一個哽晒最後還是放棄了吧！

我跟車爸爸各自選擇了心中所好，鮮雞雜豆卜湯粉絲必定要試啦，而車爸爸就要了魚嘴魚鰾湯檬粉，另外可以加＄7配各式汽水當然要我至愛的可樂啦！

魚嘴魚鰾湯檬粉＄68，奶白色的湯底賣相十分不俗，而且還有三邊魚頭之多，另外還有很多魚鰾在內，由初初覺得價錢略貴到我見到真身之後即時覺得很抵食因為真的十分足料呢。

本來應該配檬粉的但係店員比錯了米線，先試鯇魚嘴食得出新鮮沒有魚腥的味道不錯呀，而煙韌有咬的魚鰾亦都十分可口，配合濃滑黏口的魚湯我倆將整碗米線吃至一滴不剩！

而我選的鮮雞雜豆卜湯粉絲＄58就配豬骨濃湯，湯頭豬骨味唔算太特出但喝下亦沒有師傅的感覺，鮮雞雜就精彩了雞腸、雞肝、雞心、雞腎通通有齊，經略略炒香甘香好吃到不得了，膽固醇真的是萬歲萬萬歲喔！

不得不提這兒的超強勁辣椒油！放在柯柏文頭內究竟這個變形金剛有幾強橫？好友劉總落咗兩滴話已經十分之夠辣勁，喜歡挑戰辣度的我下了半匙羹，我覺得辣度是足的但係辣味蓋過了香味！我反為喜歡下圖那個微辣辣椒油香氣更出色所以兩溝係一個好好的選擇！