7 擋不了的*瘋*情

久未聚頭的辣局返嚟啦！今次我揀咗去這一間臥龍正宗成都麻辣火鍋 ，點解揀佢因為大家都對佐敦臥龍莊的出品十分掛念，當然知道這間同佢未必有關係但係都有少許情意結嘛！而且在網上見到這個龍頭鍋真係十分吸引，就即刻call齊辣局成員一齊去過一晚擋不了的*瘋*情！！

一踏進餐廳門口便盡是古色古香的裝潢，感覺都幾富有古代的氣氛令我即時諗起步步驚心的若曦跟四爺呢！

好先帶大家返番嚟現實先！甫坐下檯上已見放著這一碗調味料究竟要來做什麼呢？原來侍應會將滾起的麻辣湯底放入這調味料內，待時吃再沾上它說味道會更香更出色。

人齊後我們點選了鴛鴦湯底即是一邊麻辣一邊清湯，而最吸引我來的便是這兒的湯底首先會放上麻辣磚及其它四川香料。

之後再倒入清湯待沸騰後便可享用麻辣火鍋了！先嘗一嘗麻辣湯底坦白講初段的時候所有香料未完全融和得在一起吃下去真的沒什特別香氣及辣味，不過吃到半路中途香辣味道就自然哋跑出來了！

鬼馬油條周圍都有得吃不過呢個老油條質感係比較實淨，浸咗麻辣湯索盡味道都算錯呢！

炸響鈴呢啲索味嘢當然亦都係唔少得吧！唔怕辣就給它過辣河便可放入口了。

麻辣火鍋主打的鴨血當然唔少得，不過我就略嫌這兒切得較薄吃下沒應有口感呢！

午餐肉當然係麻辣火鍋的好拍檔這兒的出品正常啦。

豬大腸就夠曬大件灼熟後吃下都夠淋身亦都有腸的香氣。

肉類方面點了醉雞這個醉雞當然要放在清湯那裏吧！雞肉都幾滑溜不過酒味就好似唔係好重！

這夜我最愛的是這個田雞入貨那位人兄真係十分有眼光！田雞隻隻肥美肉嫩吃下更帶有鮮甜味道，現在已經很難吃到這種有甜美的田雞了。

豬潤亦十分新鮮粉淋帶香氣可口非常。

牛肉賣相就相當不俗了！當然我唔能夠評論啦！

吃麻辣火鍋很多時都有的黃喉這裏也有供應呢，灼熟後都幾有咬口冇牙力的朋友真係唔好點呀！

再來一些四寶丸味道都正常口感也不俗。

而我就喜歡這兒的雲吞，外皮爽滑內餡豐足有鮮味好吃喔！

蔬菜方便點了索味的冬瓜件吃到最後索了不少麻辣味道好刺激呢！

另外有我喜歡吃的皇帝菜不過看上去就真係唔係好新鮮喇！

還是萵筍較為合我心意但可惜切得較薄身沒了應有口感好失望！最後還有苕粉、烏冬等飽肚物沒影相了！

總括來說這間麻辣火鍋味道不算特別出色，各樣配料都比較精緻而且選擇不多價錢亦不算太便宜$250/位(不是每位夠飽)，但職員有禮有善招呼到位，而且這兒有一個好獨特的地方就係供應充滿玩味的圍裙，這夜大家都使出渾身解數來一幀擋不了的*瘋*情，好好記錄我們辣局的一夜亦算盡情了吧！