7 十月海鮮迷情

九月尾時一班好友走到港島海逸君綽酒店Harbour Grand Café嘆了一個超級豐富的海鮮自助餐，如果您自問係海鮮狂迷真係要帶定口水肩才好看下去呀！

報一報價錢先！星期日至四成人＄558/位，小童＄338/位，週五六及假期或前夕成人＄588/位，小童＄368/位，在酒店E-Shop更有高達65折優惠呢！

一踏進餐廳最吸睛相信就是這個Movenpick的雪糕櫃，內裏足足有12款Movenpick的雪糕味道，喜歡吃雪糕的朋友相信已經被征服了！

雪糕櫃毗鄰正是即製班戟及窩夫的位置，大家可以發揮自己小宇宙配搭唔出唔同味道，因為還付有十分款配料給大家創作呢！

繼續還有麵包布甸及嫩滑的豆腐花，另外還有中式甜品馬蹄露和南瓜西米露。

新鮮生果亦有供應西瓜、哈密瓜、火龍果及我最愛的菠蘿通通有齊真開心！

當然有小朋友大人都好喜歡的朱古力噴泉啦！

小杯甜品包括有朱古力慕絲、日式黑芝麻布甸、木糠布甸、栗子甘筍忌廉蛋糕及綠茶布甸。

再下來的有朱古力撻、焦糖紅豆慕絲、意式奶凍還有拿破崙蛋糕及糯米糍和楊枝甘露。

精緻的雲呢拿撻及無麩質忌廉蛋糕，對麩質敏感的朋友都有著落餐廳好貼心呀！

但我覺得最開心就是這個糖果吧！前方有提子朱古力及杏仁朱古力質素還挺佳，還有後方各式美味糖果，小朋友同大人都同樣歡喜若狂！

自助餐內已包括咖啡和茶也有西柚及橙汁無限任飲！啱曬我呢個飲品怪！

這個時候就帶大家行一行食客認為最易回本的海鮮區啦！這夜有澳洲Tasmania、美國Pacific Rock及法國的Fine de Claire三款即開生蠔。

接著是多款凍海鮮、波士頓龍蝦、雪花蟹腳、熟蝦、藍青口、翡翠螺及超爆高麵包蟹，豐富到看得我掩面呢！怎算Buffet減肥法又失效了！！

日式區域有新鮮刺身供應包括有八爪魚、希靈魚、吞拿魚、三文魚等！最正斗當然是7吋阿根廷赤蝦刺身及海膽（只在週五、六供應）竟是任食啊！另外亦有多款壽司、卷物、日式前菜小吃奉客。

沙律頭盤區有冷凍烏冬、蟹籽沙律、巴馬火腿、龍蝦芒果青瓜沙律、沙律大根金槍魚沙律、沙樂美腸、芥辣八爪魚、蓮藕芝麻沙律、意粉沙律、日式蕃茄沙律、華都夫沙律、蕃茄水牛芝士、烤雜菜等等.......

接下來到熱辣辣的熱葷美食，明爐燒味當然唔少不了叉燒及油雞啦！

不過當然不夠美艷片皮鴨那麼吸引吧！即點即切再配上京蔥青瓜及填鴨醬一齊食總是令人心醉的。

現場還有即煎香口鵝肝而且可以任食，唔怕膽固醇高的朋友真係好幸福呢！

接下來的還有這個名字十分可愛叫做女婿蛋的菜式，原來這個女婿蛋是滿載著母親對女兒的愛護而來的菜聽完之後好感動呢！

接下來還有中式點心今天我們可以吃到的是牛肉燒賣、包包及粉果！

如果睇到呢個時刻都覺得唔夠飽嘅話就要來幫襯麵檔了！這兒還有三款湯底可選包括馬來喇沙湯、豬骨湯及雞湯，另外還有炸魚皮、牛展、海蜇魚皮餃及多款配料可供選擇，真係澱粉質迷的天堂呀！

接下來還有鮑片西蘭花、星洲龍蝦鉗都是美味必吃之選喔！

現場即製的還有這個日式天婦羅，由廚師不斷新鮮炸起有炸蠔、炸蝦及野菜等選擇。

最後還有這個我覺得味道真係好唔錯的椒鹽肉排呢！

湯品方面這夜的燉湯是沙參玉竹煲排骨，好足料味道十分出色！

印度美食包括有咖哩鴨、天多利羊肉、咖哩椰菜薯仔、印度薄餅配合多款印度特色醬汁，啱曬喜歡重口味的您。

鏡頭一轉就來到肉食及燒烤區！今天大家吃到的是燒羊髀及燒西冷牛肉，可惜兩樣都唔啱我食我都係食椒鹽肉排好了！

不過隔鄰的鐵板燒區就啱曬我口味喇！當中包括有鮮菇串、青椒串、日式三文魚及蓮藕炒雜菜，另外還有日式鹽燒牛舌、雞腎串、雞軟骨串、日式餃子、炸軟殼蟹卷及日式野菜燴牛肉好多選擇呢。

食物款式多到飛起終於介紹完畢！這個時候唔好意思車媽媽要開餐喇！先來一碟沙律前菜墊墊底先啦！

接力的當然就係新鮮好味的凍海鮮，每款也取來一試最正當然係頂角麵包糕蟹，另外生蠔亦都新鮮爽脆三款都盡顯鮮味，龍蝦唔使多講亦都係正斗之選，不過點都唔及7吋長阿根廷赤蝦同埋任食海膽吸引吧！淨係食海鮮都已經可以輕輕鬆鬆咁回本啦！

而且阿根廷紅蝦更可選用鹽燒方法來吃，雖然熟食肉質會變得較軟淋，但對於不能吃生蝦的朋友嚟講都係一個喜訊呀！

還有加拿大的雪花蟹腳亦都是不能忽視的一員，蟹腳肉質扎實味鮮甜又多汁絕對是新鮮好味的佼佼者。

而且這一晚我們好幸福還可以試埋10月新推出的精選菜式，當中包括香口無比的避風塘炒蝦，美味度極高的星洲炒辣蟹

還有這款紅燒海參蝦籽菜膽 焗爐魚配紅椒薑汁及西班牙海鮮飯都會在10月為大家呈獻。

另外大家來這兒吃自助餐記住要call齊人馬！因為八位以上每檯會額外可以獲贈一隻約2.6斤重的智利帝王蟹、或買一送一指定日本清酒，帝王蟹還附三種食法可選凍食、鹽燒或避風塘炒，我就最喜歡避風塘炒，香口惹味蟹肉超鮮甜真係好吃得吮晒手指呢！

海鮮須然好豐富不過都要試埋其他熱食，鐵板熱辣美食每樣都試少少應該都唔會好肥啫hehe~

當飽到上心口的時候就要食番啲生果來消消滯滯，菠蘿絕對是一個最好最好的選擇，這夜的菠蘿超級香甜我好似食咗十幾粒呢！

坦白講去到甜品環節其實我已經想投降了不過總要吃點點吧！最後聯同另外兩位孖妹取一些甜點及雪糕回來共同分享，這正是人多好造作的表現！

去到最後我只能夠吃得下雪糕！足足11球迷你雪糕三份食都係會好過份啫！不過當晚真係滿足得很過份呢！