韓一石頭鍋

今日一家三口去紅磡還神,跟住走左去九龍城唱K

悠悠兩歲時去過一次,但佢完全唔記得左

跟住話唔去,佢話好似唔好玩

但佢咁中意唱歌,我知佢實中意啦

果然無錯..佢成為咪霸...

 

唱完K,七點鐘

我地就係附近搵食

求其入左一間食韓國菜既

見佢間格都幾好

有獨立卡座,有晒私人空間

 

 

跟住睇睇菜單,

款式唔算多,

我地叫左一個參雞湯餐

包一個參雞湯,一個石頭鍋飯

一碟炒菜,兩杯飲品同雪糕兩個

價錢係2XX

跟住見到有豬腩肉...

諗起上次睇"滋味行"..好想試下喎

於是叫左一碟豬腩肉同一個雜菜籃配麵豉醬

 

 

 

首先,韓式傳統六小碟上枱

全部味道都唔錯,我自己都係最愛泡菜

 

 

跟住豬腩肉尼喇

佢地係鐵板上放上一張牛油紙

咁又唔洗落油,又唔會痴底,

燒到咁上下,張紙變黃,佢地會幫你換過

 

 

 

 

 

跟住其他野都上枱喇...

最後尼既係石頭鍋飯

佢附有一隻生蛋

鍋飯上枱,佢地會問你自己拌飯定佢幫你地拌

我地當時掛住食,梗係叫佢拌勻啦

不過個鍋飯有小小過左火

啲飯焦都幾燶吓呢

 

 

 

 

 

 

食飽後就點餐飲

飲品有好多選擇

我點左宇治抺茶,好味

老公點左梅子雪碧,梅子味唔會太酸太濃,都唔錯

最後仲有兩個芝麻雪糕

超濃芝麻味

我仲聽到隔離枱問佢地個雪糕係邊到入貨添

勁讚好食呢...

 

 

 

 

 

好飽既一餐

一家三口,一共四百幾,都OK啦