愛自己多一點

今日開始,我會多出一個分類,叫做"養生貓"

因為隨住年紀增長

自己生活又忙到暈

認真覺得,我要愛自己多啲了

點樣可以愛自己多啲呢??

唔係要我點去享受,而家我要養生...

希望由多病既我,可以變少病

由無厘精神既我,日日精力充沛

面如死灰,變臉色紅潤

聽起上尼..要變成咁..真係好難

但..唔踏出第一步..又點知得唔得呢

首先我去買左兩樽靈芝..

希望可以改善到我上呼吸道既問題

同埋精神不震既問題

其次,我今日係一間中藥店,買左大量平價中藥

唔係苦茶個種呀..係啲蓮子百合呀,蜜棗紅棗呀,玉竹同桑寄生之類既野啦

因為我自己體質係虛不受補型,..要補,但又不能大補

所以,我決定要每星期煮一個糖水比自己滋補吓

愛自己多一點第一彈係 :

蕃薯雪耳枸子黑糖水

蕃薯功效 : 補 虛 益 氣 、 健 脾 胃 、 強 腎 陰

雪耳功效 : 養陰補肺

杞子 : 滋補肝腎、益精明目

黑糖 : 益氣、活血散瘀、溫經散寒

杞子同黑糖都係有少少燥既,所以如果熱底既人可能唔係咁適合架

不過我個人覺得,

每樣野都係適量食用,唔係大量既話

無乜野係唔得既...