簡單晚飯

近來幾乎晚晚出街食飯羅家飯變得少見大家了！今日就分享近期煮的兩餐簡單晚飯吧！這一晚兩個餸都係由車爸爸落order的，包括點了梅菜蒸鯇魚同瑤柱節瓜蝦乾粉絲，我整梅菜蒸鯇魚必定會將梅菜先是前炒香才攞去蒸魚這樣煮出來好味好多㗎！小貼土鯇魚肚入面黑色的衣一定要完全除去，這樣蒸出的魚便會沒有腥味㗎啦！

瑤柱蝦乾節瓜粉絲就更加易煮，先將蝦乾瑤柱用水浸好備用，用蒜蓉起鑊爆香蝦乾瑤柱跟手落節瓜後加入調味料再下水炆五分鐘，最後起碼焗多20分鐘後先至好食呀！這樣煮出來節瓜會有咬但不會溶爛，不過記得粉絲要食之前才加入，如果唔係就會盡晒所有汁碟餸就變得乾爭爭㗎喇！

另一夜就係星期日八號風球的晚餐，可幸我們樓下街市還如常開店而且有好多餸賣，仲俾我見到有黑倉魚呢！我很喜歡吃這隻黑倉魚的裙邊嫩滑香甜好吃非常，另外蒸多個蒜蓉茄子就夠晒滿足！

這個清蒸黑倉魚造法好簡單只要將魚洗乾淨索乾水，放入鑊蒸佢十分鐘(不同重量時間也不同)後唔好揭開鑊蓋再焗多一兩分鐘，蒸出來的魚就會嫩滑又熟透㗎喇。

蒜蓉蒸茄子係最簡單又好味的餸菜，只要將蒜蓉放上切好的茄子上蒸十分鐘，最後淋上麻油同豉油便可，健康有益又好味大家都試下煮啦。