8 難掩興奮

好開心又興奮呀前日有幸參加了Marco Polo German Bierfest Bus Parade，啤酒節就參加得多啦 巴士巡遊都係第一次咋真係好好玩好開心呢！

這個巴士巡遊正正為明天馬哥孛羅啤酒節開鑼作前哨，今年已經是我第三年的參與其中每年都玩得十分盡興，真係萬分期待明晚的來臨喔！

大家於下午5時集合於酒店內蓮花廳，等待人齊之後連同酒店上下員工及德國樂隊The Notenhobler便浩浩蕩蕩一齊出發。

巴士已經在酒店門口等待著我們大家乖乖的魚貫上車，天色雖然開始昏暗還有少許微雨，但全程也可算天公造美沒有下大雨大家都玩得好開心好興奮啊~

影過大合照之後我們便出發由尖沙咀沿彌敦道遊走至油麻地再折返尖沙咀走了兩圈，途中見到十分多街上行人對我們歡呼揮手甚至乎影相，這一刻發覺香港其實還是充滿愛的地方！！

巴士上亦好貼心的預備了汽水啤酒及PRETZEL沿途作打氣支持。

德國樂隊成員沿途用大聲公製造氣氛令大家都情緒高漲呀！！

話咁快兩圈巡遊就已經大功告成！大家都興奮開心合照一幀，我哋明晚再見啦！！

巡遊完後我就去拆Gel甲因為月尾我要做一個小手術，拆完之後剛好似爸爸來到尖沙咀跟我吃晚飯，就帶他去荔園茶餐廳食佢好喜歡的炒麵吧！

飲品我選了青檸梳打＄13、車爸爸例牌冷凍奶茶＄13，這杯青檸梳打好飲呀又夠酸又夠氣而且唔會好甜，而凍奶茶車爸爸亦都飲得好滿意呢。

我好晏先食午餐所以唔會好肚餓就不如點客荔園招牌炸雞髀配薯角＄58，還記得上一趟來吃炸雞髀真係好開心，因為雞髀真係大過我塊面㗎！今次再來吃雞髀同樣炸得香脆可口肉質嫩滑，配埋粉淋香口的薯角真係吃得我好開心呢。

我就介紹咗車爸爸吃這份彩椒牛肉煎脆麵 ＄78，光是賣相已經好吸引是嗎？脆麵造成塔狀炸得香脆可口，彩椒牛肉汁另上吃時才加入去令麵條保持香脆，而且炸麵本身已經餵入了味道 吃得出是用心的製作，吃飽飽後就同車爸爸手拖手回家其實耐唔耐有個小拍拖都真係幾開心呢！