8 【觀塘 樓上美食】兄弟同心 ♥ 用心煮出美味西餐 ♥ Bro’s Cuisine

去開觀塘，當然要搵觀塘返工的朋友帶我食好野

這日就帶我去了間由兩位大廚出身的親兄弟主理的樓上餐廳

本來諗住點兩份午餐 ...

但是見到是日必食之選有我想食的法式焗田螺和黑毛豬架 ...

改點了 ... 法式焗田螺 + 黑毛豬架 + 一份午餐 (附餐湯和飲品)

雖然只點了一份午餐，店家都大方的送了兩份呢 !

法式焗田螺 HK$88

剛焗好的田螺香噴噴熱騰騰，田螺大大粒，肉質飽滿紮實

吸滿香料牛油醬的田螺和幼滑的薯蓉一起食，特別滋味

西班牙黑毛豬架 HK$168

厚切的黑毛豬架熟度剛剛好，切開後呈粉紅色

肉質爽口不乾澀，肉香也夠濃郁

不只主菜，連伴碟的薯菜都是用心去煮

薯粒先烘至香脆，再用香草和鹽去調味，好味到全碟連拌菜都清哂 ~~

牛魔王朋友仔點了客 ... 午餐任食推介 ...

燒肉眼扒配薯菜〈原價 HK$168 現在優惠價 HK$118)

一份有三大塊燒肉眼扒，厚度適中

邊位有點焦香，中間呈嫩紅，看見都流口水

2 點半午市前無限添加，加上優惠價，真是好抵食

朋友仔的餐飲 ... 凍奶茶

平時飯後愛嘆杯咖啡的我，今次點了客甜品 ...

朱古力雪糕配士多啤梨凍湯 HK$38

朱古力雪糕是店家自製的，味道濃郁，口感細滑

配上果味香濃，味道酸甜的士多啤梨凍湯，真是絶配

仲有士多啤梨蛋白脆餅和朱古力脆米，味道和口感也豐富的甜品

一次過滿足哂我多個願望，好滿足呢 !!!

** 以上分享是以我的口味、喜好和情況作出分享及感受，一試 / 合用與否請自行決定