Annual dinner，公司一行12人到了Novotel的Le Cafe食buffet，Novotel成日經過，但未試過這裡的buffet，今次可一試了，6:30已準時到達呀。
因為是圑購，自助晚餐6:30-9:30，每位$348+$50服務費，尚算抵食呀。
餐廳在酒店一樓，樓底雖然矮，但因為枱與枱之間有相當的距離，不失個人空間感，坐得舒服，適逢新年將至，餐廳佈置了燈籠及賀年飾物。
即睇有咩食。
先來的冷盤，長腳蟹，有鮮味但偏鹹，青口，肉質嫩滑爽口，味道不俗，翡翠螺肥厚，口感有點韌，三文魚刺身正常水準。
生蠔，本身好喜歡，必食呀，生蠔十分細隻，偏瘦，海水味濃。
卡邦尼海鮮，有魷魚、蝦及蠔等，卡邦尼忌廉汁味道濃郁，幾好味呀。
燒帶子，肉質肥厚，好香口又惹味。
燒牛肉，肉質鮮嫩，口感有嚼勁，牛肉味濃，難得食到好味的燒牛肉。
羊鞍，羊肉燒得好香，食落只有少許羶味，肉質嫩滑，口感豐富，好味呀。
杞子雞湯，好耐冇飲過湯水，味道不俗。
龍蝦，自助晚餐每人送半隻龍蝦，太正了~龍蝦好多肉，口感彈牙，味道觧甜，芝士味道濃郁，幾好味呀。
又到甜品時間，這裡的甜品選擇不算太多，柿子造型的日式甜點，賣相好可愛呀~雖然多數好睇唔好食，不過都好奇試下，外皮似大福，口感煙韌，入餡是豆沙，真係好甜呀。泡芙入口鬆化cream軟滑，味道不俗。果撻幾好味呀。
木糠布甸，正常水準，芝士蛋糕，味道濃郁。
Mövenpick雪糕，必食呀~士多啤梨味，好味呀。
朱古力味都好食呀。
圑購之下都幾抵食，環境幾好，食物正常水準，尚算多海鮮，有生蠔食不俗，服務態度有禮，開心的一餐呀。
灣仔謝斐道238號香港諾富特世紀酒店1樓
