一月時的生日飯，而加先post，thank同事呀XD~!3個女子放工到了銅記食Mee...Lemongrass，特別的名字，主打泰國、馬來西亞及越南菜。
餐廳裝潢簡約型格，木系設計，擺放了一些小盆栽，帶點清新自然風，內堂面積較小，位子密密麻麻，感覺有點迫，餐具有公雞碗，好有懷舊之感。
MEE...喇吵，$84，傳聞中的摻摻麵，據了解"摻摻"在馬拉是混合的意思，內有油麵及米粉，一次過試晒兩樣，而且份量不少，好滿足，喇沙湯底稠身，濃郁的椰香味，味道甜甜辣辣，好味呀，有大蝦、蜆肉、蟹柳、魚蛋、豆卜、雞蛋及魷魚，十分足料，大蝦鮮味，魚蛋爽口，豆卜好入味，果然必食呀。
大蝦炒金邊粉，$72，金邊粉爽口，味道酸酸甜甜好開胃。
薯仔薄餅，$28，呢個抵食夾大件，好大件薄餅，入餡是份量多的咖喱薯仔，都幾辣，但幾味呀。
馬拉盞炒通菜，$64，馬拉盞類似蝦醬，味道鹹香，用來炒通菜真係一流，惹味又爽口呀。
食物有水準，價格合理，服務態度有禮貌，係坐得不太舒適呀。
銅鑼灣告士打道311號皇室堡地庫B11號鋪
