由布まぶし心
〒879-5102大分県由布市湯布院町川上1492-1
開放時間：11:00–16:00, 17:30–21:00
同事推介的心餐廳，以豐後牛排釜飯出名，午餐時段11:00–16:00，我們去到食時已經2時多，因為咁唔算太多人，剛好有位唔洗等。
有和風之感。
豊後牛まぶし，¥2361+稅，必食之選。
地鶏まぶし，¥2176+稅。
三種食法，有埋中文說明。
前菜:有玉子、牛蒡、油炸豆腐、芋頭、蔬菜片、秋葵、竹筍、梅干、謎之小菜(羊栖菜魔芋雜煮)及胡麻豆腐(柚子味噌)。
賣相十分精美，味道不俗，同第一次食羊栖菜魔芋雜煮(ひじきとこんにゃくの煮しめ)，感覺好似漬物，味道鹹酸爽口，胡麻豆腐(柚子味噌)，微鹹，質地滑溜，有極微少的煙韌感。
調味醬料。
漬物及自家制鰹魚湯。
味噌湯。
主角出場，豐後牛釜飯 及 地鶏釜飯。
雞肉，一粒粒的，味道不算太濃，但味道不俗。
炭燒豐後牛，薄切的，入口有炭燒焦香味，牛肉味濃， 口感鮮嫩、好美味呀。
雞肉，一粒粒的，味道不算太濃，但味道不俗。
第一碗，直接食，食個原味，醬汁味濃，米飯粒粒飽滿，有飯香，幾好味。
第二碗，加入柚子胡椒、山葵及小菜等一齊食，柚子胡椒味道好強烈，有點辣，個人都鍾意柚子胡椒味呀。
第三碗，倒入自家製的湯，變成湯飯，更易入口。
最後，鍋裡剩餘的焦飯，把湯倒入鍋裡，飯吸收了湯的精華，再配上豐後牛醬及小菜一齊食，味道十分濃郁，好香口濃味呀。
好味的一餐，果然係好介紹，之後慢慢行回車站。
