好友團年飯，就腳之下揀了到旺角食，友人上網搵了一間西式泰國菜，回想大家都好耐冇一齊食泰國野，一於試下，thank田會長book位呀。
餐廳位於The FOREST一樓，門面的草牆令人注目。
店子的環境頗大，樓底高有空間感，天藍色的牆身，周圍有翠綠的花花草草及小盆栽作佈置，猶如置身泰國的叢林，充滿大自然之感，令我們4人不禁想起了蘇梅，環境確係有少許似，之後不停說起蘇梅之旅的趣事了(初步相信可以講足10年XD)。
Menu，新派泰菜。
蝶豆花椰子奶蓋，＄42，蝶豆花入饌都玩左好幾年，但依然比隻色吸引，加上又想飲椰子奶蓋，質感唔算好稠身，味道偏淡。
三色冰奶蓋，＄48，上層是泰國棉花糖，試左點，椰味偏淡。
冬蔭功梳打，38，友人的，好新奇的飲品，試左點，面層有少許辣椒粉，味道有少許辣。
白冬蔭公‧南薑椰奶雞湯，＄148，白冬蔭公，第一次試，同傳統的冬蔭公湯味道差不多，但椰香味較濃，酸辣味平衡，質感順滑，幾好味呀。
天多尼烤雞‧斑蘭青咖喱，＄108，斑蘭青咖喱，顏色翠綠，入口有淡淡的香氣，椰汁味濃香，辣味比較溫和，幾好味，好大件雞扒，香口惹味，還有茄子及洋蔥，都好足料。
油酥手抓薄餅(4片)，52，手抓薄餅好大件，口感微脆煙韌幾香口，伴咖喱是絕配呢。
馬蘇里拉芝士條‧是拉差蛋黃醬，$92。
有8條，份量多，入口酥脆，內餡芝士豐富，但芝士不算太濃，配上是拉差蛋黃醬，微辣幾醒胃。
香草牛油龍蝦‧冬蔭芝士耳型粉，＄158，龍蝦肉鮮甜，冬蔭芝士耳型粉，唔太辣，芝士味不濃，味道似蕃茄肉醬，比較普通。
龍蝦鉗夾及濕紙巾，好窩心呀。
芒果糯米飯，＄78，糯米飯口感軟糯煙韌，味道香甜椰味濃，幾好味呢，芒果太酸了。
食物水準不俗，白冬蔭公美味，環境舒適，服務態度幾好，下次有機再去呀。
旺角奶路臣街17號The Forest 1樓107-108號舖
5
青花
