8 【旺角 食記】咸食和甜品同樣出色 ♥ HeSheEat Cafe

想試 HeSheEat 的甜品好耐喇 !!!

友人話這兒不止有甜品，午市亦 lunch set 提供

於是就約埋嚟開餐 ...

店面有上下兩層，裝潢走年輕時尚的風格

樓上的地方較大，座位亦較多

Lunch Set 選擇蠻多 ...

Lunch Set ... 

粟米忌廉湯 / 田園沙律 + 墨魚汁蟹肉蘆筍扁意粉 + 熱茶 / 冰茶〈HK$72〉

粟米忌廉湯味道香甜濃厚，裡面的粟米粒飲落很有口感

墨魚汁蟹肉蘆筍扁意粉

醬汁啱啱好，不會過多又不會太乾，味道咸咸香香

最搞笑的是食到成嘴黑色，食的時候不好講野和完記住抺嘴呀 !!!

Simple Lunch ... 

雞肉凱薩沙律 + 熱茶 / 冰茶〈HK$48〉

是日冰茶是蜂蜜檸檬綠茶，滋潤又解渴

雞肉凱薩沙律 ....

煎香的雞肉一點都不油膩，肉質嫩滑

蔬菜新鮮爽脆，配上惹味煙肉碎、香濃巴馬臣芝士和沙律醬，味道清爽

講了是為甜品而來，最後當然要食埋甜品喇 !!!

雲尼拿士多啤梨奶凍〈HK$55〉

一杯有齊士多啤梨、蛋白脆脆、士多啤梨雪糕和和香滑奶凍，啱哂多心的我

食完好滿足呢 !!!

友人的綠茶窩夫〈HK$58〉

即叫即製，上枱時熱烘烘香噴噴

綠茶窩夫外脆內軟，配上黑糖醬、紅豆蓉和冰凍的雪糕一起食，就更美味 ~~

HeSheEat。旺角分店

香港 九龍 旺角 白布街 22 號 藝興大廈地下 4 號舖

** 以上分享是以我的口味、喜好和情況作出分享及感受，一試 / 合用與否請自行決定