0

帶著 BB 去北海道 / 2019 / 五月 / 七日六夜 / 打卡之旅 / 青池 / 旭山動物園 / 札幌薄野 ( Day 5 )

小地勤點滴 於 2019-06-23 16:10:47 發表  |  累積瀏覽 261

分類:主題公園 長線旅遊 ;地區:北海道,札幌,小樽,其他

22.05.2019

 

原先今日行程只有旭山動物園 , 但見天氣實在太好了 , 所以先開車到青池散下步 . 近年 , 青池已經成為好多香港人去北海道必去的景點了 .

 

 

幾年前 , 第一次黎依個景點 , 人影都唔多個 , 停車場都無 , 只有一片爛地 . 現在已經起左一個好大既停車場 , 仲有細細間手信店 .

 

 

青池既環境好靚 , 隱密於一大片白樺木樹林裡面 . 每次黎都係只見樹枝 , 今次黎到 , 見長滿樹葉 , 又有另一番風味 . 夏天就應該係要四圍綠悠悠 , 充滿生機 .

 

 

好多時 , 來到景點 , 小寶寶就睡覺了 . 旅行日數太長 , 舟車勞動 , 大家都很累 . 以為 BB 會訓到去動物園 . 點知 , 佢臨走前甦左 , 即刻幫佢補返幾張相 .

 

 

之前幾次到訪青池 , 水都是粉藍粉綠的 , 但今次水色好似泥水咁 , 如果唔係天氣好 , 應該影得唔方靚 .

 

 

 

青池 , 有緣再會 ! 下一站 , 旭山動物園 .

 

 

記得第一次黎旭山動物園 , 睇過企鵝表演 , 企鵝行得好可愛 , 覺得好似 BB 仔咁 , 睇住佢地行黎行去 , 心情就會開朗起來 .

 

我的小寶寶剛學會行路 , 好想比佢見下企鵝朋友 , 好想睇下佢既反應 . 旭山動物園 , 無機動遊戲 , 純粹睇動物 , 印象中 860 Yen 一位 , BB 當然免費 .

 

我的小 BB 真的很喜歡開車車 . 一入場 , 佢就睇到眼定定 , 行埋去 , 唔肯走 .

 

 

5 月 , 令和 的開始 . 改朝換代 , 四圍都會提你 . 依張相專登為你而影 , 將來 , 希望你會記得 , 小時候 , 我拖住你見證令和元年 .

 

 

BB 平日喜歡到公園追麻雀 , 所以一入場 , 先到鳥類之村 , 紅鶴很搶眼 .

 

 

除左紅鶴 , 仲見到一雙一對的黑天鵝 , 還有很多水鴨 . 原來依到既水鴨會因應天氣而變色 , 冬天色彩最鮮艷 .

 

見 BB 開始有睡意 , 即刻急急腳去企鵝館打卡 .

 

 

企鵝館的水底隧道 , 真心靚 . 小很清 , 很藍 , 睇住班企鵝仔好似雀仔咁係頭上飛過 . BB 好開心 , 即時醒神曬 .

 

我的小企鵝終於黎到旭山動物園報到了 .

 

 

錯過早上的表演 , 要等到下午 3 點 45 分 . BB 失望地叫爸爸 . 好似想講 , 佢地走曬 ...

 

 

企鵝仔一返屋企 , 我 BB 就跟住無電 ... ... 爸爸媽媽又再輕鬆食午餐 . 剛去完香港海洋公園 , 真心內裡餐廳 , 很貴 , 自問食唔起 . 反觀依個動物園 , 食物價錢跟出面一樣的 , 仲提共冷熱水同茶 . 係日本唔會擔心無地方換片 , 無地方沖奶 .

 

 

旭山動物園唔算好大 . 跟住地圖 , 我地行左一圈 , 睇左獅子 , 豹 , 鹿 , 河馬 , 羊咩咩 , 長頸鹿 , 大熊仁 ... ...

 

 

 

 

北極熊好多人去睇 , 原來有免費拍照留念 , 所以我地都有去 .

 

 

準時 3 點45 分 , 企鵝仔又返黎啦 , 睇左 5 分鐘見 BB 仲訓緊 , 諗住走人 , 依個小 BB 就突然甦醒左 .

 

媽媽的高度 ... ...

 

爸爸的高度 ... ...

 

最後真係睇完成場表演 , 我地先慢慢離開 .

 

晚上行程就係開車返札幌 , 今次住係札幌大學旁邊 , 晚上很靜的一個區域 . 回酒店前 , 我們先到薄野吃快餐店 , 日本既炸豬排真係好好味 .

 

鐘意SeeWide的分享,給我們一個Like吧!
  • 攻略日期:N/A
    攻略地點:北海道,札幌,小樽,其他
  • 攻略時間:N/A
    是次消費:N/A
0人比"掂"

最多能輸入300字

累積瀏覽 495740

全部攻略 711

全部回應 4285