為慶祝Hello Kitty 45週年，上月去了澳門一轉參觀Hello Kitty Hello Again展覽，今次得知名人何超蓮開設玖五牛肉麵都有攪作，玖五牛肉麵聯乘Hello Kitty的期間限定店，推出多款以Hello Kitty為主題的菜式，作為粉絲，必去一試!相約同道中人一齊潮聖，見到Hello Kitty 的門面，已忍唔住打卡。
店子設計簡約，裝潢以黑白色為主，內堂有不少Hello Kitty的佈置，兩幅Kitty掛畫頗有特色，木枱上也有Kitty的圖案，好可愛呀。
發售Hello Kitty期間限定精品。
餐牌，為Kitty而來，要了數款Kitty菜式，順便睇下其他小食。
Kitty菜式。
Hello Kitty水果茶，$58，Kitty頭的蘋果片，入口有果香味，唔算好甜，用不銹鋼飲管夠還保。
Hello Kitty爽爽蘋果Soda，$58，友人的，有Kitty軟糖作點綴幾精美。
Hello Kitty古早肉羹飯，$78，飯是Kitty頭的造型，十分可愛，古早肉羹飯，羹湯入口順滑，有肉片有咬口，伴飯口感豐富，但唔算係香口，味道普通。
Hello Kitty麻辣雲朵牛肉麵，$128。
雲朵上有個Kitty圖案好可愛呀，好奇舊雲朵忌係咩來，原來係忌廉來的，上菜時職員教路，將雲朵沉底再攪拌至溶化才食，當然照做，麻辣湯底，有忌廉之下中和其辣度，食落更有口感，不過依然覺好辣(唔太食得辣)，麵條口感煙韌彈牙，份量恰好，牛肉份量尚算多，肉質鬆化，都不俗呀。
煉乳甜心棒，$48。
似炸鮮奶，微熱，入口香脆，內餡軟滑香甜，有粒粒水果拌食加點清新。
食物正常水準，價格上有主題之下偏貴點，置身在Hello Kitty小世界，享用Kitty菜式，感覺滿足呢。
玖五牛肉麵 x Hello Kitty 期間限定店開放日期:2019年7月8日-10月8日
銅鑼灣駱克道399號金禧大廈地舖
