0

8間荃灣精選 Party Room 推介(持續更新)

YOYOYO 於 2019-10-15 12:08:27 發表  |  累積瀏覽 493

分類:BBQ 其他 ;地區:荃灣

今個暑假,日頭想搵地方hea,夜晚又想約埋班friends開通宵派對,可以去邊好呢?今日ReUbird精選咗8間位於荃灣party room,等大家假期果陣唔洗愁去邊度玩啦!

1.C-D well Party Room-大型馬戲團Party Room


置身於呢間超大型馬戲團 C-D well Partyroom,你會發現四周圍都會有唔同嘅動物擺設,場地仲提供埋可愛嘅動物衫,岩曬鍾意小動物嘅朋友~


Cosplay完唔同動物,仲可以攤係130呎嘅LED波波池入面hea,唱K又得,玩switch又得,再唔係嘅,都可以起身夾公仔、打桌球同埋兵乓球。相信係呢個2300呎嘅巨型空間入面,大家仲可以用盡自己嘅想像,玩曬唔同類型嘅遊戲!提早預訂仲可以玩通宵過夜!


提提你,宜家經過Reubird,係 book場時出示學生證,即可享有每位 $35 / 小時嘅超抵優惠,快D約埋D fd去玩啦!


詳情:

地址:荃灣沙咀道57號荃運工業中心二期 

預訂方式:按此


2. 920 Party-生日party包場


成日煩惱緊去邊度幫閨蜜、兄弟、或者係男女朋友包場搞生日Party?想玩通宵過夜 但Book酒店太貴,齋食飯又太悶,可以去邊呢?位於荃灣嘅呢間920 Party room絕對係你嘅不二之選!


店主唔單提供幫手佈置場地服務,仲提供埋場地比大家打邊爐添。打完邊爐,食完個生日蛋糕,仲可以同一班friends夾下公仔,玩下ps4 pro VR黎慶祝生日,幾chill~


值得一提嘅係,宜家經過reubird預訂,可以免費獲取十次夾公仔嘅機會同埋佈置場地嘅服務一次!


詳情:
地址: 荃灣荃運工業中心二期 abcd 座 21樓D室 
預訂方式:按此



3. Miranda. M Party House-夏日風情主題


呢間以熱帶雨林為主題嘅 Party Room,場地有650-700 呎大,可容納10至18人。除左有唔同既board games同PS4可以玩,仲可以約埋親朋好友一齊打麻雀添!


開Party梗係唔少得買野食啦!呢間荃灣 party room 唔單設有代訂到會服務,仲提供埋開放式廚房,比大家自已自由發揮廚藝,岩曬一班鍾意煮野既人!

除此之外,呢間 partyhouse 仲提供埋通宵包場服務,如果日頭做野壓力太大,夜晚又想搵個地方休息下,呢度就岩曬啦!


至於地點方面,個場地非常就腳,只需要係荃灣西鐵站A出口,步行5分鐘便可到達。

值得一提嘅係,如果滿十個人,再經過Reubird打卡預訂 book 場,就可以享有9折嘅優惠喔~


詳情:
地址:荃灣柴灣角街89-92號順豐工業中心14樓H3室 
預訂方式:按此


4. TGIF Party Room-大型幻彩波波池


想係玩樂嘅期間又不忘住打卡,呢間2500呎嘅 TGIF 大型荃灣 Party room包場玩就岩曬啦!成間 Party House 以工業風為主題,場地仲有埋一個150呎嘅幻彩波波池!值得一提嘅係,呢個波波池仲識得發光,熄左燈之後,會呈現出浪漫的藍光,非常適合打卡po上Instagram同埋facebook呀!


除此之外,呢個Partyhouse仲有超過超過3萬首流行歌曲任大家揀黎唱K,係時候約埋D親朋好友,大展歌喉啦!如果開 Party 想叫埋食物就可以試下網上訂埋到會啦,仲要免運費架!book 場經ReUbird 超級方便!


如果鍾意一D動態活動嘅朋友,都千奇唔好錯過呢度嘅足球機、籃球機,同埋飛鏢呀!


詳情:
地址:荃灣德士古道
預訂方式:按此

5.Lapse Party & Studio-復古霓虹燈


鍾意四周圍打卡嘅文青朋友,不妨睇下呢間 荃灣 party house 啦!成個場地被唔同顏色嘅霓虹燈籠罩住,有濃厚嘅舊香港味道,同埋大量靚靚打卡位,岩曬鍾意復古文藝風嘅朋友~


Partyhouse 除左有數十款board games任你玩,場地仲提供大量卡拉OK設備,唔單有高質嘅音響設備比你大展歌喉,場地仲提供埋木結他同埋木箱鼓比大家自彈自唱,將音樂天份發揮到極致~打牌都可以!真係非常適合約埋朋友上黎開「小型演唱會」!



唱完歌想休息下,除左可以任飲飲品之外,仲可以有免費嘅 Nexflix、足球直播睇!包你度過一個充實嘅holiday!一班人想 book 場包場玩通宵過夜都得!如果想喺荃灣叫到會,你可以考慮下ReUbird到會平台,你可以自由選,超方便!


詳情:
地址:荃灣沙咀道 
預訂方式:按此


6.Chill Club Party Room


呢間位於荃灣嘅Chill Club Party House 有兩大主題空間,岩曬唔同喜好嘅朋友~


其中以小清新文青風主題房,除左有非常之日式嘅小清新裝橫,仲有埋吊椅,無論你係文青,定係偽文青,呢度都係一個適合打卡嘅好去處~


而Swimming pool party 主題房嘅賣點就係有波波池啦~ 想坐係波波池內對住銀幕唱K又得,打卡又得,打麻雀都得。如果想玩通宵過夜都可以!


值得一提嘅係,宜家經過Reubird網上預訂,可以享有九五折優惠添!


詳情:
地址:榮興工業大廈 
預訂方式:按此



7.Party Queen Party Room -兒童天地


想搞Family day,又或者幫細佬妹包場慶祝搞兒童生日會,但唔知去邊好?位於荃灣嘅呢間親子Party Room絕對係你嘅至啱選擇,ReUbird 十分推介!


呢間親子 Party room提供各式各樣嘅大型公仔、兒童木馬、滑梯同埋吹起城堡,岩曬小朋友同兒童玩!係小朋友玩樂嘅同時,大人都可以打麻雀、玩board games同埋唱K,係一個大細共融嘅地方。係派對結束前,大家仲可以著埋場地提供嘅cosplay衫,影相打卡記錄低呢個美好嘅moment!


詳情:
地址:荃灣沙咀道40-50號榮豐工業大廈3樓12室
預訂方式:按此


8. Chill Grill BBQ Party Room-荃灣 BBQ 場推介


位於荃灣沙咀道的Chill Grill BBQ Party Room,1200呎室內的空間以特色吧枱設計,更有1500呎平台BBQ 燒烤,等大家可以一邊開Party,一邊BBQ。 生日想開個 BBQ 派對?呢間真係十分適合!


淨玩之餘,場地仲提供左唔同食物套餐供大家BBQ燒烤,包括海鮮BBQ套餐 、靚扒BBQ套餐 同埋普通BBQ套餐,自己帶食物來燒都得!所有海鮮都係當日係 market 採購,非常新鮮,燒烤首選!


如果仲覺得唔夠野玩既,唔緊要,呢間荃灣 partyroom 設施十分齊備,包括有PS4、Switch、卡拉OK、麻將、桌球、氣墊球等等,打牌都可以!畀你包場同親朋戚友任玩!


詳情:
地址: 荃灣沙咀道榮豐工業大廈
預訂方式:按此



睇完咁多間 PartyHouse,唔知大家又有冇心頭好呢!值得一提嘅係,以上嘅場地都設有通宵過夜服務,岩曬日頭工作嘅人黎chill下。溫馨小提示,party room都不設walk-in,如果睇中咗,記得經過 reubird book喇!

鐘意SeeWide的分享,給我們一個Like吧!
  • 攻略日期:N/A
    攻略地點:荃灣
  • 攻略時間:N/A
    是次消費:N/A
0人比"掂"

最多能輸入300字

見習探險員
簡介:

累積瀏覽 1306

全部攻略 7

全部回應 1