晚上和友人到尖沙咀新的商場K11 Musea逛逛順便食飯，美食林立之地，去尖咀又多個選擇，經過KiKi茶，台灣過江龍，由藝人舒淇創立，都幾出名，想起行超市都會見到kiki麵，但冇買過來食，今次不如係實體店食順便試埋茶。
晚飯時段好FULL，等位是常識吧，手機取票後周圍行下，預差不多時候先返來。
店子裝潢簡潔，以木系為主，感覺柔和，半開放式廚房，可睇到製作過程，我地2人坐吧枱，咁近廚房更係看多幾野。
枱底有掛勾，枱前有USB方便充電，都幾窩心。
Menu，食物上，除了主打得kiki麵，仲有飯、粥、腸粉及小食等，亦有甜品，要了套餐：小食＋主食＋kiki茶。
飲品多選擇。
麻辣蹄花拌麵套餐，＄148。
麻辣蹄花拌麵，賣相吸引，蹄花份量比想像中多，口感柔嫩爽彈，甜甜地少少辣味道香濃，都不俗，麵份量剛好，幼身的麵條，麵質軟身爽滑，醬汁味濃，但唔算好多醬汁。
滷牛腱，肉質軟腍，味道濃郁。
辣雞拌麵，＄148，友人的，試了辣雞，真係好辣呢。
kiki烤茶珍珠鮮奶(凍)，跟餐轉＋＄18，以天然植物纖維吸管代替膠吸管，感覺夠還保，奶茶入口順滑，茶味比奶味較重，飲到茶香味，甜度適中，珍珠煙韌﹐不過太多冰了。
友人的kiki烤茶珍珠鮮奶(熱)，手提杯套幾靚呀。
食物味道可以，服務幾好，當試下新野。
尖沙咀梳士巴利道18號Victoria Dockside K11 Musea 4樓406號舖
飯後行下個場。
