我又整來玩下先~
前幾年都係幫襯二記奶皇
今年訂唔切 唯有自己蒸
原來係咁易做 仲可以調較口味 明年我都會自己煮lu~
其實年年出品都一樣
但真係忍不住每次都要影相 :p
用玫瑰片來做奶皇都幾靚
成日都好想我個爐可以上色d
晚上忽然好想用返往年用的coup kitchen皮來包呢個自煮餡睇下效果
又拿拿聲整幾隻試下
即晚試食的感覺是 : 創意皮+創意奶皇係幾好食, 皮脆奶皇滑, 仲好易焗
coup皮 + 創意奶皇, 出爐皮真係好鬆脆, 好好食, 焗時比創皮係要望多幾眼 - coup皮嬴
但最重要的測試其實在後頭
因為如果唔係焗比自己食 有幾多人可以食到出爐奶皇月?
又有幾多人會照你的溫馨提示 先用160c 焗爐翻熱6分鐘才吃?
月餅離開焗爐一刻就開始受潮 加上奶皇餡本身就係濕的
皮變腍實在無可避免 所以只可以話邊隻放多幾日口感尚可的就算係送比朋友好少少 的選擇
其實第二晚開始2隻月餅都開始潮了
不過以coup皮一咁好食來講 感覺已不及創皮 第二天無疑失分跟多
創皮第二天反而仲保留了點點脆的口感 - 創皮嬴
去到第三日 2隻月餅口感差別少左 都談不上脆了
不知是否心理作用 要揀我都會揀創皮
就係咁 我決定左 來年如果只係少少地焗比自己食我會用coup皮
如果過一日送比朋友就做創皮
紀錄完畢^^
感謝 So_San 提供以上資料
個人日誌: http://sosansosweet.blogspot.hk/