踏入蛇年 祝願家中各人身體健康 龍馬精神 萬事勝意
仲有世界和平 減少紛爭
呢個龍尾忙著 GO GO GO
蘿蔔糕、薑汁年糕、馬蹄糕通通都有做
滿以為收得工之際 阿媽又想要鯉魚年糕 結果都要做到年廿八 :P
第一次自己做馬蹄糕 用增城片糖 真係好香
馬蹄又多 大粒有咬口 明年都一定要翻整
我自己唔係太好年糕 但阿媽鍾意煙韌野 所以又係必做
今年唔再手磨薑汁 改為切碎後以blendtec加水打爛 再隔出薑水來取代食譜中的水份
慳水慳力 ^^
最煩係蘿蔔糕 蘿蔔刨絲切粗條 其他材料又要浸又要爆
但偏偏係我最愛 唔做唔得
馬蹄糕以前食親都係熱食 今年第一次凍食 超鍾意呀~
清甜彈牙 仲吸少好多油! GD GD GD!!
蘿蔔糕爆多料 啖啖都好香臘味味
係蝦米同乾瑤柱落得太重手 可以減返DD
感謝 So_San 提供以上資料
個人日誌: http://sosansosweet.blogspot.hk/