[官塘人氣館@日式放題]
開業第三天即踏場試試
原因好簡單
覺得通常剛開業的餐廳
營運一段時間後會比開業差
貨色亦會將價就貨
所以都係先試為妙
雜菜沙律
清酒煮蜆
(一D都無酒味, ORDER了兩鍋, 一鍋係凍既, 另一鍋只是微暖, 可能我地說話太大聲, 經理走了過來問咩事, 她說會改進的, 態度良好)
牛油炒雜菌
(一入口, 嘩! 鹹到死, 經理又一次走過來, 話要吸取客人意見喎, 咁多嘢問, 又唔見佢比個電視框我
![]()
)
雜錦刺身
(刺身算唔錯, 食得出D料好靚, 好新鮮, 仲用冰鎮住上, 慢慢食都無咁快變暖, 讚!)
天婦羅
(炸得好好, 唔太多油, 見到張吸油紙都好乾爽)
雜錦壽司
(壽司水準亦唔錯, 舊飯微酸少少暖, 魚生夠凍, 真係唔係太多壽司店做得咁好架, 唔知遲D多左人食, 質數會唔會仲保持得咁好呢?)
酥炸生蠔
(生蠔唔會炸得好乾, 蠔本身亦唔醒, 起碼好食過剛去完的羽壽司)
炸鵪鶉蛋
(之前都無在其他店見到, 只試了一隻, 其實無咩特別, 鵪鶉蛋都係燒賣好食D
![]()
)
燒羊架
(唔似燒, 應該係煎, 好有羊味.......即係羶囉.)
炸豆腐
(舊豆腐白白淨, 用既係日本豆腐, 所以食落口好滑, 但我覺得唔夠本地既豆腐咁有豆香味.)
金菇肥牛卷
(一般貨色, 唔難食.)
多春魚
(普普通通咁啦)
前菜小食: 八爪魚, 帶子裙邊, 螺肉
(味道跟平時食開的一樣, 但值得一題的就是八爪魚, 比平時食的大好多架, 上圖滿滿的一碗, 其實只有四隻八爪魚乍.)
牛肉火鍋
(肉片切得太厚, 底火還點點下熄左, 經一段時間後才重新煲水, 真的怕牛肉給浸老了)
看, 牛肉終於給浸熟了, 不是烚出來的.
但夾入口, 居然唔太鞋喎, 唔通係用既料靚有關.
刺身: 三文魚, 希靈魚, 吞拿魚
(我最愛既希靈魚, 唔係到到都有得食, 這裡不但有, 而且夠凍夠新鮮.)
壽身: 花之戀, 馬刀貝, 左口魚背
(記得唔知幾時食過一次馬刀貝, 又係唔係度度都有得食架, 另外, 第一次食左口魚背, 感覺新鮮, 之前未食過類似的魚生感覺, 好好咬口.)
刺身: 甜蝦, 立魚, 三文魚, 希靈魚
(食得最多的就是這幾款刺身, 由頭食到落尾.)
食後感:
第一次食日式放題可以跟得足ORDER紙上CLICK出的件數送出
安排自己要食的份量易按制好多
食過咁多間放題
真係未有一間可以做到這一點
總之ORDER永遠都係出到亂晒
想食既又食唔到
唔想食既就送晒上來
浪費了不少資源
這一點是要讚一讚這間食店的
希望可能KEEP GOING!!
感謝 飲食二打六 提供以上資料
個人日誌: http://eaternote.blogspot.hk/
