帶著 BB 去北海道 / 2019 / 十月 / 四日三夜閒遊札幌之旅 (Day 4) -新千歲機場

09.10.2019

一早起床 , 第一件事就係行去二條市場食多次海鮮早餐 . 今次 , 我地已經無再買蟹返香港 . 懶得搬 .

下午四點的飛機 , 我們一點就到機場了 . 先在機場午餐 , 國內線的 Food Court 很多選擇 , 有我老爺每次都話要食既 弟子屈 拉麵 .

BB 整個行程最開心係係機場玩 . 叮噹遊樂場 , 佢已經第二次過黎了 , 今次終於識自己去玩 . 仲有對日本兄妹對佢好有興趣 , 拖住左佢去玩 , 不停同佢講日文 . 我 BB 好似聽得好有興趣咁 ...

今次仲有時間去埋旁邊的 Sanrio 主題遊樂場 , 原來日本小朋友都有牛王既時候 . 有位哥哥唔肯走 , 日本媽媽叫左佢好多聲 , 後來哥哥發脾氣 , 無啦啦推跌我 BB . 日本媽媽大驚 , 不停對小地勤講 對唔住 . 我笑一笑回應個媽媽 , 就抱下 BB , 安撫下佢就放返佢繼續玩 .

國際線擴建左 , 公司轉左去新開個邊 . 竟然有間激安之殿堂 , 不過物價比較貴 . 過關時 , 見好多人被保安收走左洗臉用品 . 大家應該係激安之殿堂最後衝刺完就忘了要寄落行李到 .

提下大家 , 超過 100 ml 液體係不能夠帶上飛機的 .

四日三夜去札幌 , 太瘋狂 , 太趕急 . 下次都係留返係沖繩算了 .