我係UCHE 環球專上書院H.D.學生，讀緊Melbourne Polytechnic市場學高級文憑。最近去完UCHE搞既澳洲學生遊學團。遊學團俾我感覺比較悶，但呢個遊學團比我諗既好玩得多。
我咁大個仔第一次飛咁遠，坐9個幾鐘飛機去澳洲Melbourne，成個旅程包括參觀院校、上堂，士多啤梨、葡萄園體驗坊、遊覽名勝等。我最鐘意Melbourne的Brighton Beach，沙灘有一排彩色小屋，小屋面積小，建築結構簡陋，但係好靚！沙灘好似無盡頭，海岸線超長，香港係唔會見到架。咁多打卡位，梗係唔好嘥，我拎住部電話瘋狂自拍，呃下LIKE。
仲有一個就係Melbourne必到的景點：Chinatown，唐人街係Melbourne其中一個最棒的地方之一，可以品嚐到一些亞洲，例如來自中國、日本、泰國的亞洲餐廳食品，非常地道，我覺得最好味係牛肉河，真係超正，怪之得家姐叫我去到澳洲一定要食。食物very very cheap，凡係能講得出既你都可以食得到，。而且可以買到平靚正的手信、紀念品，甚至是雜貨店（必去）任你揀，便香港好多，我有D同學買左幾打木瓜手霜派街坊，超誇張！
Miss帶我地去搭電車，我發現Melbourne有部分市內區域的路面電車係免費搭架，只要在免費區域內上落車都唔需要拍卡，真係幾好的福利，當地居民可以真係省下不少交通費哦！我覺得自已真係大鄉里出城。
