同友人行下南豐紗廠，攰攰地搵個地方坐下吹下水，經過呢間台式飲品店，良心店一於坐下，因為假日多人，先付款後入內堂，保證消費者有位坐。
餐廳裝橫簡約柔和，懸掛的月亮燈十分搶眼，牆上的畫都是以香港景物為主，富有文化色彩。
本身想試沙冰及金星甜品但冇貨，只好轉其他。
珍珠奶茶，$34，好大杯，奶茶入口順滑，要了微糖唔太甜，不過茶味太淡，珍珠煙韌香甜呢。
黑加侖子慕絲白朱古力蛋糕，$58，酒紅色配上小型的馬卡龍作點綴，賣相吸引，蛋糕口感幼滑，但唔似黑加侖子味，酸酸的味道唔太甜呢。
木衛二藍伯爵蛋糕配奶霜及珍珠，$52。
大約等10-15分鐘，呢個組合幾有特色，藍伯爵蛋糕微熱有茶香味，配上奶霜更添一份香甜，再伴珍珠就似珍珠奶茶嘅味。
優閒的一日，支持小店。
荃灣白田壩街45號南豐紗廠1樓118號舖
