又到lunch時，公司是自由食飯時間，當然去食下午茶平點，得知如意冰室裝修好恢復營業，梗係即去一轉，2點多去到，下午茶時段都幾多人呢。
餐廳有兩層，茶記格局，我地二人坐上層，上樓梯中途見到不少玩具擺設，上層樓底比較矮，但感覺較有私人空間，relax。
餐牌，要了下午茶休閒餐。
炸雞脾配懷舊西多(半份)，$38。
熱騰騰的炸雞脾，唔算好大隻，入口皮脆肉嫩幾好味呢。
半份西多士，色水黃到金，都好大件同厚身，外層香脆內軟綿，加上大量糖漿及牛油~香甜美味。
齋啡，夠醒晨。
抵食的下午茶，店員親切，支持小店。
灣仔軒尼詩道38-46號地舖
