過去一個星期我簡直係文化人
除咗去咗兩次 art jam
仲跟 d 同學仔去咗造皮革 ^_,^
事緣某個女同學去整皮銀包畀男朋友
話只需要 $180 四堂（！！！）
於是我地呢班藝術人（同貪小便宜怪哈哈）就一齊 join
原來皮革班嘅搞手係小童群益會，難怪咁平啦 :D
呢一類嘅非牟利機構都要入會（！）
（會費：$30，無留意幾時到期，個心已經掛住整乜好哈哈）
我個朋友一路填 form 一路瘋癲
佢：吖整咩好呢？我要造張被出嚟（！）
然後開始沉思張被會有幾舒服（？！！！！！）
佢仲話要整皮床單皮枕頭皮乜皮物
後來好苦惱咁研究自己要用幾大塊皮！
（佢認真架 X____X）
動手之前要聽導師嘅少少指導
（雖然我 180cm 高、會考 30 分、超過 360 種技能 XD）
導師先生話呢塊皮係半隻牛黎（！）
即刻感受吓半隻牛嘅質感先！
嘩好有質感好爽 *3*
導師先生話有啲人反而鍾意後面做面
貪夠 raw 哈哈哈，不過整完好易 wear & tear
![]()
朋友：反轉用，張被咪好硬囉 >_<
-___________- 請拖佢出去斬
跟住導師先生教我哋油啲 AMC 喺皮嘅背面
令 raw 味濃郁嘅後面無咁易磨爛
導師先生（指住兜透明液體）：呢啲就係 AMC 喇！:)
不要我唔知 AMC 係咩構造，哈哈哈（！）
導師先生努力咁油呀油呀
我自己搽 AMC 嗰陣發覺都難難哋
明明落咗少少都變到一大 pat 咁
同埋要小心唔好整到周圍都係 -_-|||
導師先生仲用高科技吹乾佢~~~
Design 好之後就剪紙樣
然後用銀筆畫落塊皮嘅背面
或者貼上塊皮度直接剪！
用 cutter 裁出黎比較直，不過就煩啲要 cut 幾次先斷
用專剪皮革嘅鉸剪呢就快啲，但剪剪下就好易移位
重點係：點小心剪都係假，
應該 check 清楚啲紙樣係咪對稱先 -_-
裁好就由一支支嘅油（檯上個啲）油好條邊
頭先喺屋企繼續油... 嗯已經出咗界 orz
想縫合兩塊皮除咗要用線（哈哈哈）
仲要先釘窿先！
就係用呢啲丫叉釘架喇
個叉對好位之後，要用鎚仔揼架！霸氣 ^_,^
快到呢... 神乎其技 XD
另外仲可以加鈕釦、圈圈等等
都係免費 ^_,^ 不過想要特別啲嘅款就要自備喇
同樣係打個窿窿，跟住揼落去
係咪幾靚呢？但我整到短得濟，放唔落部電話 -_________________-
遲下想挑戰皮革動物，好可愛！！
可以掛喺個袋仔隔離 :D :D :D
失心瘋朋友雖然押後造被大計
但佢決定造個皮革相架都好新奇有趣！
而最難最難反而係挑選 dream leather！
又要襯色、又要質地適合（有啲挺身啲、有啲薄啲架）
後記
我同媽咪講話整個畀佢啦
1) 嗯.... 我要個散紙包啦~~~~~
2) 吖我想又擺卡又擺錢
整兩格得唔得架 *3*
3) ![]()
嘩呢個幾靚喎 ^_^ 我想上到膊用架~~~
呢個女人愈講愈難整.................
我自己會試下呢個信封袋 ♥
---------------------------------------------------------------------------------------------
後記
因為太懶喇，一直仲有兩堂未去整....
感謝 Let'sTappy 提供以上資料
Let'sTappy 的個人日誌: www.falaw.blogspot.hk/
