好耐以前睇過《醉爆伴郎團》Hangover
電影甫開始就講述個新郎唔見左（！！！！！）
然後追溯返成班兄弟到底係 pre-wedding party 搞乜鬼（？！）
後來有出到 hangover 2 、不過我就無睇過喇
人物（左起）：美金、麗泰、貝嘉、安妮、莉蓮、海倫
係續續集之作
原來只係個名改得柒（！）哈哈哈哈哈
故事大底係講安妮 Annie 同海倫 Helen 大門法
Annie（左）係新娘識於微時既知心好友
Helen（右）就係新娘丈夫既上司夫人
佢兩個為左搞好個婚禮、不斷向新娘爭寵（！！！！）
另外上面其餘既粉紅丁丁亦係伴娘團
成班都痴線的（如圖）
當中都有好多惹笑既情節 :D
老實講 Hangover 就搞笑同懸疑
Bridesmaids 就側重女孩子之間個種又妒又恨既友誼
男村民睇到 r 哂頭
我就邊睇邊覺得好寫實
因為女仔就係咁無聊鍾意爭風呷醋（！）哈哈
---------------------------------------------------------------------------------------------
以下含劇透
---------------------------------------------------------------------------------------------
是咁的
後來 Annie 爭寵爭到同新娘反左面（？！）
唔多唔少因為 Helen 羨慕佢地兩個咁 frd
而自己就無乜同性朋友
所以有少少離間佢地
同埋 annie 自己亦有 d 問題之類
令我諗起我既好友們
朋友 A 成日疑心大、人地對佢好都會猜度其出發點
而朋友 B 雖則比較圓滑、但對 A 的確係特別好
於是 A 成日覺得 B 係「扮」對佢好（！！！）
亦試過（當時已經 frd 左一段時間）有小人離間我地
大致講話我地幾個朋友都係表面好對佢好
其實個心就唔知諗乜之類（！）
小人不嬲都做開呢 d 小動作，而且佢度既對白都好流
但 A 完全無懷疑就信左小人（！）
事後當然冰釋前嫌啦（有聰明既 B 同我嘛~）
A 都深感死蠢兼後悔（！）
奈何如此種種又 loop 過（！！！！！）
我基於好重視 A 既關係
最終都有打左長既真心膠 msg 畀 A
希望佢唔好再重蹈覆轍
不過我諗能夠遇上愛錫自己既人係一種幸運
懂得珍惜呢 d 人係一種智慧
（運氣是有 quota 的哦）
感謝 Let'sTappy 提供以上資料
Let'sTappy 的個人日誌: www.falaw.blogspot.hk/
