雖然本明星貴人事忙（嘻嘻）
不過忙裡偷閑乃港人看家本領！
所以我都有同男神 sweet sweet *3*
（跪玻璃哭求姐姐不要 unsubscribe 我）
上周日同男神去咗迪士尼
（因為佢買電話有免費飛送先有得去咋）
男神話佢跛都陪我去，對我好好喎 =~=
由於男神好多嘢都玩唔到，玩到嗰啲又低 b
於是我只係卑微地想去一下 toy story land
了結湊熱鬧嘅心願，嗚嗚~~ 謝主隆恩！
求祈喺出面食咗嘢先入去
男神話跛咗都幫我買嘢食呀呀呀嗚嗚
又，嗰日中環超多菲律賓人
食完又留返個位俾啲同鄉ssssssssss（！）
等到死先有位 -__-
出發喇~~~ 入到去已經三點喇 XD
好可愛呀，將啲玩具放大哂
淫賤胡迪呀呀呀呀*
呢度連個垃圾筒都係積木！
好似行入玩具堆 ^_,^
只玩咗沖天遙控車哈哈
U 字形嘅軌道，其實係玩具造型嘅海盜船哈哈哈
男神又嚟料喇，話跛咗都陪我排隊（！）
btw 後面 pair 情侶（無心偷聽）係度嗌交 *O*
類似係男嘅咩打機又有時間，去玩就話哂時間
好爆，一路排一路鬧交
呢隻轉轉彈弓狗就勁喇
就係係咁轉係咁轉。完。
誓估唔到要排一個鐘（！）
可能小朋友就鍾意呢啲高智嘢哈哈哈
仲有個玩具兵團跳降傘，好似好好玩
坐喺個巨型玩具降傘度上上落落
有少少似跳樓機，但就好慢同無咁同
不過懶得排隊無玩 XD
其實呢個 land 都幾得意，影相一流
不過就唔好期望多咗好多嘢玩囉
其餘時間仲去咗美國小鎮大街 fing
話哂迪士尼靠呢度掠水，於是都整到好 X'mas ^_,^
（入場費就要同政府對分，所以你見迪士尼成日 sell 全年證
你話香港政府幾戇居呢 =] 出埋錢嚟求人過嚟賺錢
不過香港細細有多個 theme park 都好嘅）
發現呢個好 cute 嘅薑餅人禮包！
嘩~~ 好多隻呀呀呀
男神話呢個係史迪仔 bb 嚟㗎！！所以有張被
係咪真㗎？我見仲有其他 bb >_<
同埋巡遊啲車好似係新嘅
（哈哈，入到去啱啱好又睇到巡遊喎）
好曬好多人 B-)
--------------------------------------------------------------------------------------------
另一個周末返完 part time 就同男神去街
裝飾高貴時尚，fusion 菜咁嘅牌面（！）
其實入面啲卡位係梳化嚟，仲靚
一馬當先梗係點蝦餃燒賣啦
男神即係面有難色（！！！）是咪男人都唔太好呢味？
因為我呀爺我老竇都唔係好食 -_-
左邊：豪隍蝦餃皇
睇相都應該睇到啲皮好厚，蝦大隻得嚟無味嗰吓死呢 -__-
右邊（前）：蝦仁燒賣皇
呢邊啲蝦有味少少，不過不失
右邊（後）：鮮竹牛肉球
鮮竹牛肉球味，哈哈哈哈哈哈哈哈哈哈哈哈
蜜餞叉燒腸
當然，係叉燒腸味啦 ^_,^
男神成日話我影相戇 X，所以唔會理我就夾嚟食
點解... 點解可以咁 man？？？
潮洲蒸粉果
嗱嗱嗱，見到啦，又夾緊喇 .\_/.
第三舊男神用筷子就夾得開一半
仲要切口勁平整，好叻呀呀呀
又，我食粉果鍾意走花生~~
---------------------------------------------------------------------------------------------
行完街條友死話要食糖不甩，勁煩
佢係睇戲都會特登買入戲院食嗰隻（！）
唔覺得有咁好食喎 =~=
求祈去咗許留山食，超級無敵多大陸人，嘈到爆炸
隔離檯有個頗肥嘅大陸女人
男神勁賤咁笑人叫好多嘢食（其實都真係幾多 XD）
佢成日��周圍啲人同多管閒事 -.-
後來個女人仲同我哋搭訕，話聽人講許留山好出名（！）
佢專程嚟試，不過得一個人試唔到好多
（呢個時間男神收咗皮，因為佢啲普通話係屎
剛才仲不斷恥笑其他人的哦哦哦）
我仲教錯咗佢點去龍城 orz 唔記得叫佢過一個街口先........
師奶我見到許留山都有 membership card
$30 會費，即送 $30 cash coupon（即免費入會）
精明嘅我當然問清楚係咪 cash coupon
定垃圾食夠 $100 減 $10 嗰隻
又或係咪食幾多幾多錢先有得用啲 coupon
同埋仲有問埋係咪可以即用
天啊！簡直係智慧型消費者
除咗呢堆少廢嘅 coupon
其實我係貪個八折優惠
哈哈哈，咩呀！減咗 $8.5 呀！
填 form 時，我的身體很老實
哈哈哈咁真係少吖嘛
麻煩嘅男神話唔食芒果（！！！！！）咁仲咩揀？
點知智者（我）發現呢個 ♥ 榴戀 ♥！
睇唔出呀喱，三樣都真係榴蓮味㗎！
青 bb 嘅係哈蜜瓜、奇異果加榴蓮餡雪米滋
黑白雙煞（利申：個名我改嘅）就係榴蓮加黑糯米
彩虹邊的雨雲（又係我，老是常出現）嘅榴蓮隱藏喺底
整體都幾新奇有趣哈哈
而家有咩冬日優惠
我發覺許留山都幾進取，果然係本地薑
聖誕仲整咗啲甜品套餐！！！！
哈哈我發現新大陸咁
感謝 Let'sTappy 提供以上資料
Let'sTappy 的個人日誌: www.falaw.blogspot.hk/
香港迪士尼樂園
釜山水族館
Thormork 冰島高地
六義園(東京)
中環街市
深圳野生動物園
珠璣巷
數碼廣場