同同學在每日食素自助餐

今日還在休假中，約咗中學同學食午餐，因疫情同我都比較忙無咩時間休息，所以已經有一年無見，呢2年疫情比之前更忙，之前放假就一定約她，年頭前入咗佛好開心同我分享而家話去讀佛學，而家食素日子多咗又要上堂，今日先約到咁啱剛初一所以就同她出去食素，呢間同學話幾好食，她都食過幾次，但時間就好短每個時段75分鐘，咁約咗食11：30-12：45分，搞掂完家中各人出門清潔一下，準備好晚餐部份餸等老公放工就返熱同煮菜咁就出去，因為都要成個鐘先到去到早咗些少已經好多人排哂隊，夠鐘啲人好急，我哋入到去，見啲人已急不及待出去攞嘢食，當坐底洗埋已經過咗15分鐘，而家好明白點解啲人有位就立即攞嘢食，我就行咗一圏影下相順便攞咗碗湯同碟菜就返位，真係幾急2-3轉就夠鐘，12點半就通知差唔多夠鐘叫清理埋後出去埋單，之前去洗手間見到有咖啡機諗住一試，最後都忘記了，原來有好多都無試，呢間無咩特別無加特色素肉去煮，全部真係以菜去煮唔同味，我哋食11點半88蚊無加一，其它時段聽同學話有啲時間收費貴些少就會多15分鐘，我覺得有2個鐘會舒服啲，75分鐘實在太急，糖水，甜品同生果都無食，同學就諗尾好急攞些少比我一試，如果唔介意咁樣價錢主力食菜我覺得都幾好，雖然無咩特別但都食得飽，有炒麵，炒飯，糯米飯呢啲飽肚嘢，有素翅但好稀，核桃湯都可以，還有糊椒湯有支竹去煲都幾好味，我都有試牛角包，漢堡包都喺啲醬加粟米好清，味道就普通，食完太早就喺嗰度行去尖沙咀幫助消化，同學話想飲嘢就飲咗M記飲咖啡同食cake，而家多咗新肉諗住一試，同學話麻麻，最後叫咗粟米蘑菇三文治同芝士蛋糕，2樣都幾好價錢又唔貴直得一試，晚上約咗11月媽咪傾，個媽咪原本請我2個月最後加到3個月，跟住要通知返12月尾的媽咪幫唔到手，個媽咪好失望但我都講就算做唔到有需要我都盡量幫忙，搞掂完回家差唔多十點，食啲生果同搞掂明天的早餐同午餐料就去休息

部份甜品

呢個糊椒湯都好飲

啲蛋未入味

素翅比較水

沙律同包

核桃蘿蔔湯

咕嚕肉喺用核桃做的，味道一般

冷盤都幾多款

炸物區都幾多款

薑醋只得蛋同少少薑

部份熱盤

炒麵同炒飯

呢度喺沙律同生果區

呢個喺甜品同包區

有湯同飲品，但只係試咗湯

呢部咖啡機可惜忘記一試

在M記的下午茶 

芝士蛋糕

粟米蘑菇三文治