0

好狗不見大聯盟

圓咕碌 於 2013-05-21 00:00:00 發表  |  累積瀏覽 412

分類:公園 ;地區:屯門

由Yahoo Blog 搬過嚟(累積瀏覽 566 )

5月19日星期日

今日媽媽幫我約咗好多朋友仔見面 , 全部都有幾年無見 , 有啲仲添咗幾個新成員 , 非常熱鬧呢~!! 响洪水橋食完 lunch , 然後驅車落屯門狗公園 ,  由我呢個新界响導帶大家嚟呢度反 , 大家都係第一次嚟呢度 , 所以非常之開心~!!




天氣有啲熱 , 但無減大家玩波波嘅興緻~!!





媽媽怕我中暑 , 所以同我噴濕哂全身 , 又帶咗凍水比我飲 , 仲同我帶埋呢條保凍圍巾先比我跑~!!



等我介紹吓我啲朋友仔先 , 呢位咁靚女就係" Whiskey"




佢細佬" Marble " 仲有個妹妹叫" Poppy " 大合照先有佢份出場呢~!!





另一個大家庭 , 最年長嘅大佬 " Cookie " 已經有十二歲 , 之前中過牛B 熱 , 仲要係最勁嗰隻 , 番發過一次 , 希望佢健健康康呢~!!




二女" QQ " 都超過十歲 , 保養得唔錯~!!





呢隻叫" BB " 點解會養佢? 咪就係因為佢媽媽見完我第一面 , 覺得我靚仔可愛 , 忍唔住養起 poodle 來 , 仲一發不可收拾呢~!!




唔信? 跟住再買咗呢隻" 糖糖 " 番嚟~!!




仲有前面呢隻" Lucky "




再買多呢隻" Fico " 仔仔先收手呢~!!




仲有呢個小妹妹 , 係 ee 嘅孫女 , 由細同狗狗一齊長大 , 所以好鐘意狗狗~!!





呢隻狗狗 , 唔好睇佢咁大隻 , 查實佢得3個月大嘅BB , 仲比我啲朋友仔追住嚟鬧 , 嚇到佢捐咗响櫈底 , 慘慘呢~!!




在場仲有呢個小朋友 , 好鐘意痴住我哋一齊玩~!!





媽媽話我掛住同啲朋友仔玩無停過 , 捉咗我過嚟企定定影相相 , 不過我個心唔响呢度 , 有相為証~!!




到咗四點半 , 嚟咗呢隻雪橇犬 , 佢好鐘意過嚟聞我哋啲細狗 , 媽媽抱起我 , 唔再比我玩~!!




一家6隻狗 , 你話幾熱鬧~!!





最後嚟張十全十美加多個小朋友嘅大合照~!! 左起第一隻就係最怕羞嘅" Poppy "  女女 , 睇吓佢又想走佬 , 唔係比ee 捉住 , 呢張相都影唔到呢~!!




今日雖然熱咗啲 , 不過有朋自遠方來 , 點都要帶大家去威吓呢 , 玩到五點唔捨得都要返屋企 , 因為爸爸媽媽夜少少趕住去同爺爺食生日飯 , 同我洗完手腳吹完毛 , 食埋dinner , 我就去揾周公傾計 , 今日玩得好盡興呢~!! 咁多位朋友仔..............下次見~!!!!!!!!!!





 

 




感謝 圓咕碌 提供以上資料

圓咕碌的網誌: http://yuenkolok.blogspot.hk/









鐘意SeeWide的分享,給我們一個Like吧!
  • 攻略日期:N/A
    攻略地點:屯門
  • 攻略時間:N/A
    是次消費:N/A
0人比"掂"

最多能輸入300字

累積瀏覽 128140

全部攻略 285

全部回應 11