秋季第一擊 , 金喜 BBQ

由圓咕碌於 2011-11-21 00:00:00 發表 | 累積瀏覽 1100

分類：BBQ ；地區：西貢

由Yahoo Blog 搬過嚟(累積瀏覽 520)

11月20日星期日

今日好開心呀...............媽媽幫我約咗一班 blog 友仔去 BBQ , 地點係金喜花園 , 秋高氣爽..............最適宜去燒雞翼~!! 媽媽為咗呢個活動 , 仲親自整咗一啲小食比我用嚟招呼我啲朋友仔呢~!! 唔講咁多..............去片...............!!

首先介紹吓大人食啲咩嘢先...................頭盤係唔同種類嘅丸,腸同雜菌~!!

主菜當然唔少得呢盆咁豐富嘅肉類呢~!!!!!!!!!

甜品仲有我至愛嘅麵包同栗米~!!

至於我哋啲小朋友都唔差架 , 有蕃薯媽整嘅..............紅菜頭蘋果餅餅(出面無得賣架) , 仲有媽媽整嘅甘筍雞肉 , 日本紫心蕃薯 , 甜品係甘筍水 , 非常有益健康呢~!!

我咁識食.............當然由我帶頭坐定定等食啦~!!

跟住就係同我一樣咁識食嘅 "Mui Mui " 學生~!!

仲有佢cool 爆嘅妹妹"BeBe"

第一次見面嘅"蕃薯" , 佢依家榮升哥哥喇~!!!!!!!!!

睇吓"蕃薯"等食個樣 , 真係好期待咁喎~!!

呢個就係佢細佬"可樂" , 無時停 , 非常活躍 , 由於太細個嘅關係 , 所以對食物唔多講究~!!

綠茶細佬因為平時食得太多好嘢 , 所以佢令願選擇去打千秋 , 睇吓佢玩得幾開心~!!

至於佢妹妹"麥皮" 要on a diet , 所以都唔選擇食 , 都唔明啲靚女..............咁瘦都話要去減肥~??

佢哥哥"奶茶"就夠哂義氣 , 我比其他狗狗"蝦" , 佢就會走嚟保護我 , 呢啲朋友真係唔話得呢~!!

跟住輪到高貴又大方嘅 Momo 小姐出場

最後要介紹比大家識嘅.................就係呢位靚女 " BiBi "

佢嘅笑容好甜美又親切~!!

食飽飽又係時候影吓相................, 睇吓我嗰日玩得幾開心~!!

我仲同兩個學生影合照呢~!!

今日辛苦哂媽媽你 , 一定要同你影番張合照留念~!!

今日天蔭蔭 , 坐响呢度欣賞吓風景真係好正好 relax , I love 大自然~!!

親子時間到 : 第一隊係................Mui Be family

第二隊係.................綠茶 family

綠茶家姐咁靚女 , 當然要做吓 model 比媽媽影呢~!!

第三隊係.................靚女 Momo family

第四隊係...............奶茶麥皮family

第五隊係...............蕃薯可樂 family

第六隊係..................BiBi family

臨接近尾聲...............一定要嚟張 blog 友大合照 , 睇吓我哋幾人强馬壯~!!!!!!!!

呢幅八美圖加埋我呢個靚仔 , 簡直絕配呢~!!

估唔到响呢度撞到栗子醫生妹妹, 同佢咁有緣.................一定要影番張相留念呢~!!

今日我仲有禮物收 , 謝謝奶茶麥皮媽整嘅餅餅, 仲有 bibi 媽送嘅潔齒玩具 , 又有得食仲有得玩 , 我好開心呢~!!

我哋由二點燒到六點鐘走 , 足足玩咗四個鐘頭 , 大家帶著愉快又依依不捨之情返屋企 lu ~!! 上到車.............增取時間瞓一陣先 , 因為返到屋企又要比媽媽洗白白 , 扮完靚靚已經七點半 , 食少少糧我就去揾周公傾計 , 快樂嘅時光過得特別快 , 期待下次嘅活動呢~!!

感謝圓咕碌提供以上資料

圓咕碌的網誌: http://yuenkolok.blogspot.hk/