唉 ... 今日都唔知做咩鬼,袁生袁太無端端患了感冒,明明昨晚訓覺都好地地,今朝一訓醒就頭赤赤,袁生仲衰,直情好似感冒菌上左身,又鼻水,又咳,又頭痛,不過好彩仲未有發燒,所以一早兩個病鬼就去左睇醫生,平時星期日袁太一定會落街買早餐,不過今日真係要抖一抖,休息下,但就算病都要食d野,唔食野又點食藥呢 ???
所以我地兩個都係決定買碗粥番屋企食就算,點知 ... 居然屋企附近唯一的粥店,今日居然冇開,今次真係大鑊,咁點算呢 ??? 唯一方法就係番屋企等袁太自己煲啖粥食
初時袁生都話,病仲自己煲咁辛苦,不如食其他野,但又唔知食咩好,冇所謂,等我煲,我唔怕辛苦架,袁太就快快手煲左兩碗白粥,雖然話病的時候最好食粥,但真係好鬼悶,點知呢個時候,袁生又話得碗白粥又好似淡,咩味都冇,但屋企又冇其他野可以食,唯一有罐豬肉鬆,一於用豬肉鬆送白粥
唔知大家有冇試過咁樣食呢 ??? 我記得細個的時候,同家姐都好鐘意用豬肉鬆送碗白粥,呢剎那真係又有番兒時回憶的感覺 !
感謝 袁太廚房 提供以上資料
袁太廚房 的個人日誌: www.elanie-kitchen.blogspot.hk/