得閒食下豆腐清清地都唔錯,不過要袁生食豆腐都幾難
因為袁生係一個食肉獸,簡直係無肉不歡
所以就用袁生喜愛的蝦膠做材料,用來蒸豆腐都最好了
另外再加上燕麥,健健康康
唔講都唔知蝦膠入面加左料,起碼袁生食左都唔知
大家知喇,食煙的人士一定好抗拒健康有益的食物
當豆腐蒸好後加上豉油,wow ... ,簡直好味到呢 ......
咁好味的百花蒸豆腐,袁生又點會唔喜愛呢 ???
燕麥百花蒸豆腐
材料 : 布包豆腐<2磚>,蝦膠<$25>,燕麥糠<1包>,蔥(切粒),蒸魚豉油<適量>
做法 :
1. 蝦膠用少許雞粉醃好,再加入燕麥糠拌勻
2. 布包豆腐切片放上碟,每件豆腐面放少許生粉備用
3. 將燕麥蝦膠釀在豆腐上,隔水用大火蒸8分鐘
4. 倒去多餘水份,淋上少許熟油,放上蔥粒,最後加上蒸魚豉油即可
感謝 袁太廚房 提供以上資料
袁太廚房 的個人日誌: www.elanie-kitchen.blogspot.hk/