午餐同家姐妹妹在花月庭

今日同家姐細妹去咗花月庭食午餐buffet,本來細妹話請我哋去半島，點知full到十月先有位，而家唔同疫情好似好咗所以好多人都放鬆出去消費，到到都人山人海，咁我提議呢間，價錢唔貴又有蠔食，家姐同妹妹最愛，而我就唔喜歡，但呢間食物款式好多，時間就2個半鐘，唔同一般酒店有3個半鐘，因為呢個都分好多時段，12點又喺full哂，只有2：30到5：00，只好呢個時間而且還要坐得好遠，可能人真係太多，昨日都打嚟確實資料，呢個時間食完晚餐就唔洗食，平時食12點晚餐都唔洗食呢個時間就更加，食物真係多到都試唔哂，今次都無食魚生，甜品就更加無試，蠔家姐同阿妹都係食咗2只，實咗太多人，每次只攞2只又大排長龍，車仔麵又排，海南雞又排，雖然太多人但家姐好開心話下次可以再嚟食，我就覺得到到都要排就唔太好，太耐無試過咁，太多人又補唔切啲食物，啲人都可能嚟慣，我們早到十分鐘已經排得好長，入到去見好多人已經攞嘢食，到4點好多食物都無或者唔refill, 所以想再食都未必有，飲品款式都多但都只係飲咗杯咖啡，家姐同阿妹就飲綠茶，食完行一陣就回家，太耐無出去，度度都好多人買咗需要的嘢就各自回家，老公今日要返工，啲囡又唔洗返嚟食，煮過蕃茄牛肉湯飯比老公簡單又有營

家姐先嚟海鮮粥自己選喜歡的料就立即煮

我見無人就攞呢個先，家姐見到就食啲，再出去就無哂她最愛的豬紅

粉葛去濕湯

部份熱暈

呢個蘑菇湯太咸

沙律同冷盤都多款

燒牛肉同部份熱暈

阿妹又攞粥雞同牛肉

我就喜歡完飲返杯咖啡

最愛的雪糕

呢個都好味，凍啲就更好

部份的甜品

呢個芒果西米好好味