由 堅。離地城 於 2021-12-07 21:35:37 發表 | 累積瀏覽 246
日清合味道杯麵，好多人都食過，而且相當受歡迎，所以日清亦同時會推出其他週邊產品，而為慶祝日清合味道杯麵（Cup Noodle）誕生50周年，因此寶島社推出「日清合味道 CUP NOODLE 杯麵加濕器」，仲有原味及海鮮味（特別限定號）兩款選擇。
日清合味道 CUP NOODLE 杯麵加濕器 分別有兩種設計，普通版係原味杯麵，而特別限定版就係海鮮味，機身如合味道杯麵，直徑為 9.6cm、高 12.1cm，可加入 250mL 水量，採用 Micro USB 電線充電，只要倒入水後再開機，杯蓋位置就會釋放水霧，加濕效果就如沖泡杯麵一樣，十分有趣。
