有個朋友向我訂左個生日蛋糕
係送比佢媽媽既
佢只要求海綿忌廉士多啤梨
同埋要生日牌
其他任我發揮
好開心佢咁信任我
希望個蛋糕唔會令佢失望
唔會對我失去信心啦
整咗啲玫塊花圖案既朱古力圍邊
整得唔太靚
有今次經驗,下次知道啲圍邊點樣可以好啲
蛋糕只有六吋
買左一盒韓國士多啤梨
發現唔係好夠
但又唔夠時間出去再買
唯有樣放係面既士多啤梨切半
其實依個蛋糕完全無錢賺
一來,士多啤梨貴
二來,朱古力轉印紙都好貴
三來,圍邊都用左大半包朱古力
仲未計人工呢...
不過見朋友仔話中意個蛋糕
我都好開心,好滿足了
賺錢事少..有人出材料比我整蛋糕喎
有得整,又唔洗錢..仲有人食,又可以令人開心
其實賺晒啦~~~~
仲好似好好味添
好多謝你讚賞呢...個蛋糕係最簡單既海綿忌廉加士多啤梨,最簡單既味道,應該係最好既..keke
