蛋糕班到第七堂了, 上一堂係三個星期前, 因為有假期所以暫停
上一堂已經做定哂今堂既野, 就係個酥皮, 雪係冰格可以放一個月

今堂整左兩樣野, 拿破侖千層餅同蘋果酥餅
以前我好鍾意食拿破侖架, 不過知道點整之後就……
睇怕以後都會少食一點, 實在太肥了

酥皮點整!!? 成磚牛油放入麵團裡面摺疊幾次
拿破侖點整!!? 一層酥皮, 一層合桃蛋白蛋糕, 中間夾牛油忌廉做饀料
牛油忌廉點整!!? 牛油加糠霜打暈

睇怕最健康都係個合桃蛋白蛋糕, 好香, 甜甜地, 淨食都 ok
無錯, 就係樣樣都係有牛油係度, 焗完出黎個盆全是油, 太可怕了
因為我最尾先整, 無哂牛油忌廉咯, 改用吉士忌廉替代
吉士忌廉無牛油忌廉咁肥, 健康 d , 不過無咁好味
宜家出面好多餅舖都係用吉士忌廉做饀, 成本平一點嘛

第二樣係蘋果酥餅, 都係用酥皮做底, 蘋果浦上面, 再加上糖一齊焗

今日整既野食都好好味, 都係果句啦……好肥呀!!!

其實就最好係即晚食哂佢既, 不過我好飽咯, 留返第二日先食哂佢

我諗我係屋企都唔會再做拿破侖咯, 除左肥之外, 係比較麻煩囉

感謝 裳整餅 提供以上資料
裳整餅的網誌 http://www.clothesmakecake.com/