男友的煩惱，女友的投訴 ~ DREAM SKIN男士護膚系列

哈哈感謝癲子小姐再次邀請在下喺佢既部落格登場....（^_^)

由於在下本身既工作時間比較浮動，間唔時總需要三更半夜至能夠返到屋企...

係咁既情況下，基本上返到屋企已經沖完個涼己經累到想就咁訓落床....

對於其他面部皮膚嘅清潔工作就主要以方便為大前題...(最好咩都唔洗做...)...
但點都會用下D基本潔膚同保濕既用品...

有見及此，癲子小姐見到在下日久失修，久經投訴，終於都按耐不住，贈我一對護膚法寶...

分別係DREAM SKIN既黑頭導出液同埋男士活氧涳油3合1精華液

聽說個個都話韓國保膚同化妝品出名，我都係第一次試用....

咁一睇兩支野，明顯係有先後次序地用啦....先清黑頭再去精華，我相信是常識吧....(哈...高登上身)
睇完個使用方法都覺得算係幾簡單....一噴一貼....
當然唔係就咁噴係有黑頭既地方啦....係先噴係張化妝棉度....

原先仲以為佢噴出黎既係黏狀既液體....結果估錯左....
一噴先知原來水狀既...當噴濕左張化妝棉...有淡淡既微香，但係唔刺鼻

跟住貼係T字位同下巴底....然後就等10分鐘....

如是者十分鐘，我以為個張化妝棉會乾到硬化左啦...
(因為十幾年幾用既黑頭貼係會濕完之後會乾到硬左...O..NO...暴露左年齡添...)
經過左十分鐘化妝棉仍然係濕既，但上面無D咩明顯既黑頭、粉刺之類既物體(黑頭胋年代係會痴到D一粒粒野出黎)
而頭先貼住既位置就好似KEEP住幾清爽...

←使用前 ←使用後
清理黑頭方面就咁睇效果算唔得上好明顯，但都真係比使用前清潔左(無錯,橫掂整開，順便剃埋鬚)...
而使用方法又真係簡單...
撕左落黎就咁用清水洗乾淨都已經會FEEL到佢潤左到無咁油同埋滑一D~

咁清潔完之後就順手搽返D精華液啦，至於精華液就一直都有用開既...都係主打方便幾合一個D...
今次DREAM SKIN都係幾合一...爽膚、精華、乳液三合一...

都係好典型既PUMP PUMP既外型，佢既顏色就係偏奶白色既乳液...

由於本人塊面比較大，如果用呢SIZE既PUMP，大概要三PUMP先夠...
(經常被癲子小姐取笑我係「大面人」...特別係佢幫我敷MASK個陣...佢平時一塊有位淨..我就一塊大少少)

←使用前 ←使用後
真係值得一讚，以佢係包裝上寫既五大效果....清爽、控油、保濕、光澤同緊緻...
我覺得我至少都同意佢頭四種功能係比較明顯...一試無妨~!

同場加影，係用緊黑頭導出液個十鐘做D咩好....作為籃球狂熱....梗係....哈哈哈~

癲子 : 如獲女友投訴..要快點上訴~~~哈哈!

寶先生上訴成功! 最後感謝寶先生的粉墨登場

--------------------------------------------------------------------------------------------------------------