四葉呢張相係上星期日影架 !!
我踩著架陣年小摺車, 竟然跟朋友到 Sutton Park 上山路下泥沼, 簡直係搵自己笨呀 !!
這個星期, 回到上班一族的軌跡, 重新番到離開了 2 個月的醫院上班. Dept 都冇乜大變動, 班同事仍然係咁鬼嘈 (Haha, 鬼叫成班都係女人咩 ! ) ~ 不過到了(以前没有的)星期例會, 新任不受歡迎 Manage 出場, 嘩 ! 成個氣氛唔同晒, d 同事係幾咁抑壓呀, 冇見 2 個月咋, 似乎 2 者關係越黎越僵咁喎 …
今次番黎, 要頂替一位剛離職的同事, 令我連 team 都轉埋, 以前做開簡單的 Medical, DM 同 Cardio Rehab, 轉到多 feed 多 complications 的 Head & Neck & ENT, 仲要包埋 Cardiology 同間唔中的 Respiratory, "照顧"的 wards 係之前的 double 呀 ! 下星期仲要接埋手 Clinic, 應該有夠我忙的啦 ~
剛開始頭 2 天真係幾唔妥, 只係一陣子冇做 case, 竟然有點無從下手, 見到 pt 都差點唔識講野, 到呢 2 日開始忙啦, 個腦先開始 run 番咁, 不過呢幾日都要忙於惡補地讀書 及 guidelines, 實在好覺野唔用真係好快生疏呀 !!
至於住宿仍然係之前的宿舍, 不過一樓 Female block 未有房, 要暫時住地下的醫生 oncall 房 (exactly 就係以前間房的樓下), 跟據話事人講, 我下星期應該可以搬番上去架啦, 咁都好 d, 因為我太醒訓了, 朝朝未到 7am 就被窗外的車聲人聲吵醒了 ! 另外, 我唔知係咪好耐冇訓醫院床, 頭 2 天都訓到有點腰骨痛, 真係幾唔舒服下, 反而到呢 2 日都唔知係攰得濟丫, 定條腰骨 fit 番張床, 又好似冇乜影響了 ?!
Anyway, 對於重新番的呢份工, 我還是幾鍾意的, 希望有機會 In 呢度份 permenant post 啦 !!
