呢d一個二個色彩繽紛既係咩黎架呢 ? 仲要開晒口
睇個樣係米好似好美味既啫哩呢 ? 睇到佢既包裝，為食既我就諗起啫哩，有藝術感既你又會唔會覺得似調色盤呢 ?
我見到果時真係有衝動想放入口，哈哈!
不過佢係唔食得架! 佢每一個既包裝都有日文註明不可食用!
其實佢係我既保濕好拍擋之一，係大愛! 睇我用左咁多個就知好用啦!
佢個名係 ''Estencia Happy Palette高濃度美容液''
有7天 和 二十八天裝! (沒錯, 我兩款都入了)
見到佢有咁多種顏色，係米諗緊每隻色有咩功效呢 。 其實每隻色既功效係一樣架! 佢係無添加既精華液, 只有玻尿酸，白金！所以敏感肌既我都岩用! 至於點解要有咁多顏色呢 ? 女人既心情有如天氣，其包裝以因應女人當天心情去選擇使用 ，傳達一個為期七天 或二十八天的心情調色盤，令人達至幸福的感覺! 你可以話佢既概念好無聊，但同樣可以話好有綽頭! 最後用完所有精華液後，包裝盒可以當珠寶盒或糖果盒重複使用，日本的環保概念真的強!
使用方法 :
1. 先將臉上肌膚清洗乾淨。
2. 化妝水輕拍肌膚後，打開單一美容液，將美容液倒入手中。
3. 塗抹在臉上，輕輕的按摩拍打加速吸收。使用後再依個人喜好塗抹乳液及其他保養品。
今日係 Happy Friday, 我選左喜愛的粉紅色代表我今日既喜悅
一個美容液塗面係有多架..所以可以塗抹頸部同胸口!
我在晚上塗抹第二寶前，先塗上這一寶! 塗上後, 感覺涼’’浸浸’’咁, 好舒服!
只需很小美容液已可塗滿手背啦，很好推。 塗後即有光澤, 不久便全吸收了!
係米睇到你好想入貨呢，不過有一個壞消息要告訴大家既係 : 佢係香港未有得買, 佢係我去大阪果時購入的，所以美女們下次去日本記得掃貨呀~
未去日本，買唔到第一寶…..唔緊要，買住第二寶先!
第二寶就係佢啦 :
Biotherm 溫泉水潤保濕凝膠
呢樽野又係令我不斷敗家, 睇我用完一樽又一樽
我諗其功效好多人都知， 一見到佢就會諗起可愛教主!
講真的效果當然一定不會有可愛教主咁塊面會支水出黎..QQ既感覺 (始終係廣告麻, 不能盡信)
不過塗後的第二天早上確實很水潤，皮膚感覺係飲飽水的!
我晚上塗完第一寶後，將保濕凝膠平均點在面上的五點 (額頭.. 面兩旁..下巴..鼻) ，再塗混!
塗後很快就吸收晒，很清爽!
正價一樽 $350元
不過靚女們如想購買，不妨等 sogo week 先買! 我呢set 就係上次 sogo week 買既，$390 有咁多樣啦!
