今日出發去曼谷了，回想上次去曼谷芭堤雅，都已經是 N 年前的事了！
揀航空公司時曾有考慮坐泰航，因為時間比國泰早些，不過最後還是揀國泰，個人比較鐘意坐國泰機！
今次去曼谷玩心情好興奮，問我點解，我也說不出原因…. 七點幾就去到機場，因為航班是早上 8:55，在機場吃完早餐就準備上機，誰知飛機要 delay… 唉… 心內好急，愈是焦急就愈是遲….. 話說 9:30左右會登機… 可是 9:30 都未有消息。
這是去年十月出發，現在都忘了幾點上到機…. 例牌又是飛機餐，不過都吃不下，早餐食得太飽了…. 不一會就到達曼谷，過關好多人….. 過完關拿完行李就先去換錢，在機場內只是用 HK$1000 換了泰幣，夠第一天坐的士同旁身就算，去到市中心才再換。
去到酒店職員請我們先去餐廳坐一會，送了每人一杯飲品，之後就辦理好 check in 手續就可以入房了，房間都幾大幾舒服，我們都好滿意。
我在辨理 check in 手續，好專心呢…
Hea 一會就出發去換錢後就去吃海南雞飯，天氣好熱，而且本身唔鐘意食飯，所以叫隻雞及湯吃算了，吳生話幾好食，我則覺得抵食而已。
吃完之後就去 shopping，弟婦托我買蝴蝶袋，去到店門口見到人山人海，吳生見到話…”個個都手拎幾袋出黎？好誇張！” 我就在店內影了好多袋款之後 whatsapp 給弟婦，叫她揀！ 等來等去都未有回覆，因為正在返工..... 吳生見到價錢計一計話： “原來咁平？唔怪之得咁多人買啦”。他話唔好等弟婦覆了，你自己揀番個啦。最後決定買一個可以返大陸時用….. 吳生幫我揀款，最後唔止買了一個 .... 付款後走人。
我們訂了七點吃晚餐，所以吳生要控制時間，誰知出門之後弟婦才回覆，真 sorry 啦，我唔夠時間返去買，不過我差不多把店內的款影給她揀，所以她就像在現場揀袋一樣….. ！
今晚晚餐味道超級好食，嘻嘻哈哈又一個晚上了，吃得滋味又傾得開心，飲飽食醉之後本想在街上漫步後再去按摩，記得酒店內及酒店附近都有按摩，不過最後在食市附近按腳算了，好舒服呢…. 之後就回酒店！
芒果糯米飯超級好食
好普通的一碟菜都好好食
另外要了芒果汁……好飲到不得了
就是這樣就完成了 Day 1 的行程。好開心好滿足！
感謝Florence提供以上資料
Florence的網誌 http://florencewing.blogspot.hk
